SSSR pasportymen júrgen jetisaılyq jańa kýálik aldy
Іshki ister mınıstriniń buıryǵyna sáıkes, polıtsııa QR azamattarynyń qujattaryn rásimdeý nemese azamattyǵy joq tulǵalardy kýálandyrý úshin mártebesi rettelmegen adamdardy anyqtaý maqsatynda ótkizilip jatqan naýqan barysynda SSSR pasportymen júrgen azamatshany anyqtaǵan.
«2021 jyly qańtar aıynda Jetisaı aýdandyq PB kóshi-qon qyzmeti bólimshesiniń qyzmetkerleri jergilikti turǵyn Klara Myrzabekqyzy Moldasheva merzimi ótken 1974 jylǵy úlgidegi SSSR pasportymen júrgendigin anyqtady. Surastyrý barysynda belgili bolǵandaı, ol densaýlyǵyna baılanysty jáne ózine asa qajet bolmaǵan soń búgingi kúnge deıin tólqujatyn jasatýǵa barmaı júrgen. Turǵynnyń jeke tólqujatyna qajetti qujattar rásimdelip, jańa úlgidegi jeke kýáligi jasalady. Polıtseıler daıyn qujatty ıesine tabystady», delingen habarlamada.
Tártip saqshylary turǵyndarǵa qujatyn zańǵa saı durys jasaýyn qadaǵalaýǵa keńes beredi.