Sportty damytýǵa úles qosqan azamattar birneshe atalym boıynsha marapattalady
Bul týraly Mádenıet jáne sport mınıstrligi ashyq talqyǵa shyǵarǵan buıryq jobasynda kórsetilgen, dep habarlaıdy QazAqparat tilshisi.
«Halyqaralyq keshendi jáne resmı sporttyq is-sharalardyń qorytyndysy boıynsha «Jyldyń úzdik akkredıttelgen sport federatsııasy», jergilikti jerlerdegi dene shynyqtyrý men sporttyń damýyna qosqany úlesi úshin «Aýyldyq jerdegi úzdik sporttan nusqaýshy», respýblıkalyq jáne halyqaralyq sport jarystarynda tárbıelenýshilerdiń úzdik sporttyq nátıjeleri úshin «Jyldyń úzdik balalar jattyqtyrýshysy» nomınatsııalary bekitilsin. Sonymen qatar, respýblıkalyq jáne halyqaralyq sport jarystarynda joǵary sporttyq nátıjelerge qol jetkizgeni úshin «Sporttyń oıyn túrleri boıynsha úzdik komanda», dene shynyqtyrý jáne sport salasyndaǵy qyzmetterdi júzege asyratyn bilim uıymdaryna «Jyldyń úzdik mektep-ınternat-kolledji», halyqaralyq sporttyq jarystardyń chempıonadary men júldegerlerine «Jyldyń serpini», respýblıkalyq jáne halyqaralyq sporttyq jarystarda joǵary nátıjelerge qol jetkizgen jasóspirimderge «El úmiti», Qazaqstanda sporttyń damýyna qosqany zor úlesi úshin jeke jáne zańdy tulǵalarǵa «Jyldyń úzdik metsenaty» nomınatsııalary taǵaıyndalsyn», - delingen buıryqta.
Mundaı usynys Memleket basshysynyń «Jańa jaǵdaıdaǵy Qazaqstan: Іs-qımyl kezeńi» jáne «Halyq birligi jáne júıeli reformalar – el órkendeýiniń birlik negizi» atty Qazaqstan halqyna Joldaýlaryn oryndaý maqsatynda qolǵa alynǵan.