Sporttyq gımnastıkadan halyqaralyq týrnırde Asan Salımov altyn aldy

<p>ASTANA. KAZINFORM - Túrkııanyń Antalıa qalasynda sporttyq gımnastıkadan Challenge Cup sanatyndaǵy týrnırinde qazaqstandyq sportshylar bir altyn, bir kúmis aldy.</p>

El quramasynan Asan Salımov tirenip sekirý jattyǵýynda jeńis tuǵyryna kóterildi. Ol fınalda 14.300 upaı jınap, ýkraınalyq 2 gımnastshyny artta qaldyryp ketti.

Al at snarıadynda Narıman Kurbanov kúmis júldeger atandy.

Aıta ketsek, Narıman Kurbanov Qatar astanasy Dohada 17-20 sáýir aralyǵynda sporttyq gımnastıkadan álem kýbogynyń kezeńine qatysady.

Atalǵan jarysta Parıj Olımpıadasyna lıtsenzııa alǵan gımnastshylar anyqtalady. Ulttyq qurama sapynan Narıman Kurbanov at snarıadynda oıyndar joldamasyn alýǵa jaqyn tur.

Ázirge Qazaqstan enshisinde sporttyq gımnastıkadan Olımpıadanyń bir joldamasy bar. Byltyr Antverpendegi álem chempıonatynda Mılad Karımı qola medalmen birge kópsaıysta joldamaǵa qol jetkizdi.