Sporttyq gımnastıkadan el qorjyny taǵy bir joldamamen tolyǵýy múmkin

<p>ASTANA. KAZINFORM &ndash; Sporttyq gımnastıkadan qazaqstandyq sportshy Narıman Qurbanov el qorjynyn Parıj Olımpıadasynyń taǵy bir joldamasymen tolyqtyrýy múmkin.</p>

QR Sportty damytý dırektsııasy málim etkendeı, 2023 jyly sporttyq gımnastıkadan Antverpende (Belgııa) ótken álem chempıonatynda Mılad Karımı tarıhı qola júldege qol jetkizip, Parıj Olımpıadasyna barýǵa múmkindik alǵan edi.

Al ataǵash jattyǵýynan jazǵy Azııa oıyndarynyń qola júldegeri Narıman Qurbanov ta lıtsenzııa utyp alýy múmkin. Oǵan sebep - otandasymyz lıtsenzııalyq kezeńderde óte jaqsy óner kórsetip, dál qazir olımpıadalyq reıtıngte 2-orynda tur.

Álem kýbogynyń sheshýshi kezeńi 17-20 sáýir aralyǵynda Dohada (Qatar) ótedi. Onda ár jattyǵýda TOP-3 reıtıngke kirgen sportshylar Parıj Olımpıadasynyń joldamasyn jeńip alady.

Aıta ketsek, buǵan deıin sporttyq gımnastıkadan tek 1996 jyly Atlanta Olımpıadasynda ǵana 3 birdeı otandasymyz óner kórsetse, qalǵan tórtjyldyq oıyndarda 1 ǵana gımnasshy baq synap kele jatyr.

Qazirgi ýaqytta el qorjynynda sporttyń 9 túrinen 23 sportshy 25 joldamaǵa ıe. Atap aıtar bolsaq, sadaq atýdan – 4, tas joldaǵy velosporttan – 3, nysana kózdeýden – 5, qazirgi bessaıystan – 2, bokstan – 7, grek-rım kúresinen – 1, erkin kúresten – 1, sporttyq gımnastıkadan – 1, taekvandodan 1 joldama bar.