ASTANA. KAZINFORM — Sporttyq gımnastıkadan Qazaqstan erler quramasy Indonezııa astanasy — Djakartada ótetin 2025 jylǵy álem chempıonatyna sońǵy daıyndyǵyn Japonııada pysyqtap jatyr.
19 qazanda jalaýy jelbireıtin dúbirli dodada elimizdiń atynan Іlııas Ázizov, Zeınolla Ydyrysov, Mılad Karımı, Narıman Qurbanov, Dmıtrıı Patanın jáne Dıas Toıshybek synǵa túsedi.
Oqý-jattyǵý jıyny Tokıo qalasynda uıymdastyrylǵan. Onda ulttyq qurama sportshylary álemdegi úzdikter qatarynan kórinip júrgen japonııalyq gımnastarmen sheberligin shyńdap jatyr.
— Bizdiń sportshylar Olımpıada chempıondary Daıkı Hashımoto men Oka Shınasýke sekildi japon sheberlerimen birge jattyǵyp júr. Bul — óte mańyzdy daıyndyq kezeńi, - dedi bas bapker Aleksandr Kım.
Eske salsaq, budan buryn Bolgarııanyń Varna qalasynda ótip jatqan batýttyq gımnastıkadan álem kýbogynda Qazaqstan qorjynyna qola medal tústi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.