ASTANA. KAZINFORM — Ońtústik Koreıanyń Chechhon qalasynda sporttyq gımnastıkadan ótip jatqan Azııa chempıonatynda Qazaqstan qorjynyna alǵashqy medal tústi.
Qazaqstan gımnastıka federatsııasynyń baspasóz qyzmetinen málim etkenindeı, elimizdiń erler quramasy qola júldege qol jetkizdi.
Qazaqstandyq gımnastar komandalyq kópsaıysta úzdik úshtikke ilikti.
El namysyn Narıman Qurbanov, Mılad Karımı, Dmıtrıı Patanın, Roman Mamenov, Іlııas Ázizov jáne Álisher Toıbazarov qorǵady. Olar 240.301 upaı jınady.
Japonııa quramasy 253.002 upaımen chempıon atandy. Al ekinshi orynǵa Qytaı quramasy (248.265 upaı) kóterildi.
Sporttyq gımnastıkadan Azııa chempıonaty 8 maýsymda máresine jetpek.
Eske sala keteıik, budan buryn sporttyq gımnastıkadan Azııa chempıonatynda Qazaqstannan kimder óner kórsetetinin jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).