Sportty damytý dırektsııasynyń basshysy 584 mln teńge jymqyrǵan

<p>ASTANA. KAZINFORM &ndash; &laquo;Sportty damytý dırektsııasy&raquo; RMQK dırektoryna qatysty tergeý aıaqtaldy. Bul týraly QR Sybaılas jemqorlyqqa qarsy is-qımyl agenttiginiń resmı ókili Danııar Bıgaıdarov aıtty.</p>

— Sybaılas jemqorlyqqa qarsy qyzmet QR Týrızm jáne sport mınıstrligi Sport jáne dene shynyqtyrý isteri komıtetiniń «Sportty damytý dırektsııasy» RMQK dırektory men onyń orynbasaryna qatysty tergeýdi aıaqtady. Olar kásipkerlik sýbektilerimen birlesip sport jabdyqtaryn satyp alý, sondaı-aq týroperatorlarmen joǵary qun boıynsha sharttar jasasý arqyly 584 mln teńge mólsherinde bıýdjet qarajatyn jymqyrdy degen kúdikke ilindi, - dedi resmı ókil baspasóz konferentsııasynda. 

Sonymen qatar, kásiporyn dırektory jeke kompanııanyń dırektory bola tura, 2021 jyly Batys Qazaqstan oblysynda fýtbol men dopty hokkeıdi damytýǵa bólingen 161,9 mln teńge kóleminde bıýdjet qarajatyn jymqyrǵan.

Qylmystyq-protsestik kodekstiń 201-babyna sáıkes ózge aqparat jarııa etýge jatpaıdy.

Buǵan deıin habarlanǵandaı, Astanada bilim bóliminiń basshysy balabaqshadan oryn alyp bergeni úshin para alǵan.