Sportty damytý dırektsııasy Shyńjańnan kelgen áriptesterimen memorandýmǵa qol qoıyldy

<p>ASTANA. KAZINFORM &ndash; Búgin Sportty damytý dırektsııasynyń dırektory Erlan Estek pen orynbasary Azamat Imashev Qytaı Halyq Respýblıkasy Shyńjań-Uıǵyr avtonomııalyq aýdanynan kelgen qonaqtarmen birqatar sport keshenderin aralady.</p>

Vedmstvodan atap ótkendeı, delegatsııa quramynda avtonomııalyq aýdandaǵy sport komıteti, sonyń ishinde dop sporty túrlerine jaýapty birinshi bólimniń hatshysy Chjaı Hýnfeı jáne onyń orynbasary Van Chjenbo, basketboldan «Sıntszıan-Tıan-Shan» áıelder klýbynyń tóraıymy Maıvýlan, sondaı-aq voleıbol men jeńil atletıkadan bapkerler quramy boldy.

Kezdesý barysynda sheshimi tabylmaǵan kóptegen máseler aıtylyp, aldaǵy atqarylýy tıis jumys jospary talqylandy. Birqatar sport túrlerin birlesip damytý boıynsha usynystaryn ortaǵa saldy. Qazaqstan quramasyn alda ótetin halyqaralyq jarystarǵa resmı túrde shaqyrdy. Ózara yntymaqtastyq týraly memorandýmǵa qol qoıyldy.

Qazaqstan voleıbol federatsııasynyń bas hatshysy Ermek Syrlybaev qytaılyq áriptesterimen jumys jolǵa qoıylǵanyn atap ótti. Qazir elimizdiń kásibı klýbtarynda birneshe qytaılyq voleıbolshy oınap júr. Budan bólek jýyrda Ulttyq qurama Qytaıdaǵy jarysta synǵa túspek.
Erlan Jumabekuly óz sózinde usynystardy qarastyrýǵa daıyn ekenin aıtyp, birlesken oqý-jattyǵý jıyndary eki el sportshylarynyń deńgeıin arttyrýǵa kómektesetinin atap ótti.