Sportta joǵary nátıje kórsetkender ómir boıy materıaldyq qamtamasyz etilmek

NUR-SULTAN. QazAqparat – Elimizde Álem, Olımpıada chempıondaryn ómir boıy materıaldyq qamtamasyz etý máselesi pysyqtalyp jatyr. Bul týraly QR Mádenıet jáne sport mınıstri Dáýren Abaev aıtty, dep habarlaıdy QazAqparat tilshisi.

«Áleýmettik qoldaýdaǵy kelesi mańyzdy másele – joǵary sporttyq nátıje úshin ómir boıy aı saıyn materıaldyq qamtamasyz etý. Bul máseleni pysyqtap jatyrmyz. Bizde 17-18 jastaǵy jasóspirim chempıon, Olımpıada chempıony bola alady. Oǵan birden óte jaqsy aqshalaı syıaqy beremiz. Barlyq ákimder, bıznesmender, demeýshiler olardy syılyqtyń astynda qaldyrady. Bul durys. Ol nátıjege qol jetkizdi, yntalandyrý qajet», - dedi Dáýren Abaev mınıstrliktiń keńeıtilgen alqa otyrysynda.

Biraq, mınıstr odan keıin atalaǵan adam sporttyq mansabyn aıaqtaǵannan keıin eskerýsiz qalatyndyǵyna nazar aýdartty.

«Búginde ústemeaqy shamamen 70 myń teńge ǵana. Bul múldem durys emes sııaqty. Sondyqtan, eger adam jetistikke jetip, úlgi kórsetse, onda ol materıaldyq turǵyda laıyqty qamtamasyz etilýi tıis», - dedi ol.