Sportta zańdylyqty qamtamasyz etý: Bas prokýratýra men UOK memorandým jasasty

<p>ASTANA. KAZINFORM - Bas prokýratýra men UOK arasynda dene shynyqtyrý jáne sport salasyndaǵy zańdylyqty qamtamasyz etý máseleleri boıynsha ózara yntymaqtastyq týraly memorandým jasaldy.</p>

Bas prokýror Berik Asylov pen Ulttyq olımpıada komıtetiniń prezıdenti Gennadıı Golovkın qol qoıǵan kelisimniń maqsaty – sport salasynda zańdylyqtyń nyǵaıýy, bıýdjet qarajatyn jymqyrýdy boldyrmaý jáne basqa da qylmystarǵa jol bermeý, salaýatty ómir saltyn nasıhattaý, ásirese jastar arasyndaǵy nashaqorlyqtyń aldyn alý.

Bas p)rokýror óz sózinde «Memleket basshysynyń tapsyrmasyn oryndaý aıasynda ýákiletti organmen birge kásipqoı sportta negizgi máselelerdi sheshý jáne osy saladaǵy zańnamany jańartý kerek ekenin» atap ótti.

Іs-shara nátıjesinde taraptar belsendi aqparattyq ózara is-qımyldy, birlesken taldaýlardy, jobalardy, onyń ishinde kúshtik organdardyń qyzmetkerleri arasynda tanymal sportshylardy daıyndap shyǵarý maqsatynda quqyq qorǵaý organdarynda sportty keńinen nasıhattaý boıynsha jumystar júrgizý týraly kelisimge keldi.