Sportshylar men bapkerler jalaqysy artty: 2022 jyly sport salasynda ne ózgerdi
1. Olımpıada jeńimpazdary men júldegerleriniń jáne Álem chempıondarynyń aı saıynǵy materıaldyq qamsyzdandyrý mólsheri artty.
Qazaqstandyq sportshylar men jattyqtyrýshylarǵa Olımpıada, Paralımpıada, Sýrdlımpıada oıyndary jeńimpazdary men júldegerlerine jáne olımpıadalyq sport túrleri boıynsha Álem chempıondaryna ómir boıy beriletin aı saıynǵy qamsyzdandyrý mólsheri 4 esege ósti.
Sabaqtan tys sporttyq is-sharalardy ótkizgeni úshin dene shynyqtyrý muǵalimderine laýazymdyq jalaqydan 100% qosymsha aqy tóleý engizildi. Sondaı-aq mamandandyrylǵan mektepter men kolledjder, dopıngke qarsy zerthana, ulttyq dopıngke qarsy ortalyq qyzmetkerleriniń jalaqysy kóterildi.
2. Sporttaǵy shtattyq birlik 3 myńǵa deıin artty. ıAǵnı 1994 jyldan beri elimizdiń ulttyq quramasyndaǵy jalpy bapkerler men sportshylar sany 1 myń adamnan aspaǵan edi. Endi úsh myń bapker men sportshy qurama sapyna kirip, memleket qoldaýyna ıe bolady. ıAǵnı aılyq tólenip, memleket beretin ózge de jeńildikterdi ala alady.
3. 2025 jylǵa deıin 113 jańa sport nysany salynyp, jumys istep turǵan 27 nysan qaıta jóndeledi. Sondaı-aq óńirlerde 10 dene shynyqtyrý-saýyqtyrý kesheniniń qurylysy júrgizilip jatyr. Olımpıadalyq jattyǵý ortalyǵy 2023 jyly, al Olımpıadalyq daıarlaý ortalyǵynyń qurylysy 2025 jyly aıaqtalatyny josparlanýda.
4. Sporttyq-qural jabdyqtar jańartyldy. Parıjdegi Olımpıadaǵa daıyndyq aıasynda Mádenıet jáne sport mınıstrligi arnaıy baǵdarlama ázirledi. Onyń mańyzdy tarmaqtarynyń biri zamanaýı sport jabdyqtaryn satyp alýdyń jańa normalaryn bekitý, sondaı-aq osy maqsatqa qosymsha qarajat bólý. 2017 jyly bekitilgen normalar basqa elderdiń qurama komandalaryna bólinetin qoljetimdi, únemi jańartylyp otyratyn jáne jańa býyn jabdyqtaryn satyp alýǵa múmkindik bermegenin atap ótken jón.
5. ArtSport jobasyna ózgerister engizildi. Bul rette balalardyń qaýipsizdigin qamtamasyz etýge baǵyttalǵan baǵdarlamanyń sharttary jetildirildi. Sonymen qatar 7 qalada 180 myńnan astam adamdy qamtıtyn «Qoljetimdi sport» jobasy júzege asyrylyp otyr.
6. Ulttyq quramalardyń jattyqtyrýshylar quramy qaıta qaraldy. 20-ǵa jýyq jazǵy olımpıadalyq sport túrlerinen jańa bas bapkerler taǵaıyndalsa, jalpy sporttyń 13 túrinen Avstrııa, Germanııa, Serbııa, Makedonııa, Grekııa, Koreıa, Frantsııa jáne taǵy basqa elderden keńesshi-jattyqtyrýshylar shaqyrylǵan.
7. Sport komıtetine qarasty Sporttyq medıtsına ortalyǵynyń jumys júıesi ózgerdi. Sporttyq medıtsına jáne ońaltý ortalyǵynyń materıaldyq-tehnıkalyq bazasyn nyǵaıtý, qalpyna keltiretin ónimder men sporttyq tamaqtaný, vıtamınder satyp alý, jumys jasaýshy mamandardy oqytý jáne sheteldik mamandardy shaqyrý, farmakologııalyq jáne bıomedıtsınalyq qamtamasyz etý tizbesin qaıta qaraý jumystary júrgizilip jatyr.
8. «Uly dala joryǵy» respýblıkalyq marafon-báıgesi ótti. Buryn-sońdy bolmaǵan alaman báıge birneshe óńir boıynsha ótip, 1200 shaqyrymdy qurady.
9. Almaty qalasynda Respýblıkalyq sport kolledjiniń janynan Sport jáne dene shynyqtyrý isteri komıteti Sportty damytý dırektsııasy RMQK-niń fılıaly retinde Jattyǵý ortalyǵy ashyldy.
Ulttyq shtattyq quramaǵa kire almaǵan №4-8 rezerv sportshylary atalǵan ortalyqta jattyǵýlaryn jalǵastyratyn bolady. Sondaı-aq, mundaǵy sportshylar álemdik básekelerde baq synaýǵa múmkindik alady, ulttyq quramaǵa básekelestik týdyrady.
10. 2022 jyly sportshylarymyz 600-ge jýyq túrli starttarǵa qatysyp, nátıjesinde 800-den asa medal jeńip aldy.