Sportshylar, etnomádenı birlestik ókilderi qazaqstandyqtardy Alǵys aıtý kúnimen quttyqtady

ALMATY. QazAqparat — Almatylyq sportshylar, etnomádenı birlestik jáne bıznes ókilderi qazaqstandyqtardy Alǵys aıtý merekesimen quttyqtady, dep habarlaıdy QazAqparat tilshisi.

Turǵyndardy quttyqtaǵan beınetúsirilim Almatydaǵy Bostandyq aýdandyq ákimdiginiń Instagram paraqshasynda jarııalandy. Onda ár ulttyń ókilderi lebizderin bildirgen.

«Ótken ǵasyrdyń 30-shy jyldary Batys Ýkraınadan jer aýdarylyp kelgen polıak atalary men apalary osy Qazaqstanda ózderine pana tapqan. Qazaq aǵaıyn qanatynyń astyna alǵan. Sol jasaǵan jaqsylyqtary úshin barlyq qazaqstandyqqa alǵysymdy bildiremin. Jer aýdaryp kelgen polıaktardy baýyrlaryna basyp, jańa Otan, jańa el, jańa jerdi syılaǵandary úshin», -dedi «Venzy» polıak mádenı ortalyǵynyń ókili.

Búgingi merekede halyqaralyq jáne respýblıkalyq jarystardyń birneshe dúrkin jeńimpazy Narman Qurbanov halqyna, ustazdarǵa, jattyqtyrýshylarǵa alǵysyn bildirdi. Bostandyq aýdandyq ákimdigi alǵys aıtý kúnin-beıbitshilik pen kelesim, syılastyq pen qurmet kúni dep atady.

«Densaýlyq saqtaý salasyna, indettiń jaıylyp ketýine tosqaýyl qoıǵan árbir janǵa alǵys bildiremin. Sizderge myń alǵys! Barlyǵyńyzǵa densaýlyq, amandyq, otbasylaryńyzǵa baqyt tileımin», - qodedi ákimdik mamandary. Buǵan deıin Baqytjan Saǵyntaev qalalyqtar atynan dárigerlerge, muǵalimderge, polıtsııa mamandary men eriktilerge alǵysyn bildirgen bolatyn.