Sportshyǵa London Olımpıadasynyń qolasy on jyldan soń buıyrdy
Ol erkin stıldegi qazaqstandyq palýandy laıyqty marapaty – «London-2012» qola medalimen quttyqtady.
«Men barsha qazaqstandyqtardy el qorjynyna túsken Olımpıadanyń qola medalimen quttyqtaımyn. Sportshymyz júldeger atandy, 10 jyldan keıin medal aldy jáne bul óte mańyzdy oqıǵa. Ádildik saltanat qurdy, baby kelisken batyrymyzdyń kásibıliginiń arqasynda baǵy jandy», - dep jazdy Mádenıet jáne sport mınıstri Dáýren Abaev Facebook-tegi paraqshasynda.
Sondaı-aq, Dáýlet Shabanbaıǵa 65 000 $ kóleminde memlekettik syıaqy tóleý týraly sheshim qabyldandy. Buryn ol 10 myń dollar alǵan.
Esterińizge sala keteıik, Halyqaralyq Olımpıada komıteti dopıng qoldanǵany úshin Ózbekstan chempıony Artýr Taımazov pen Grýzııa chempıony Davıd Modzmanashvılıdi Olımpıadadan shyǵarý týraly sheshim qabyldady.
Olımpıada júldelerin qaıta bólý nátıjesinde bizdiń sportshy qola medalǵa ıe boldy.