Sportshy Nurıslam Sanaev «Jomart júrek» medalimen marapattaldy
Shara kezinde oblys ákimi Ońdasyn Orazalın óńirdiń ekonomıka, densaýlyq saqtaý, áleýmettik salalarynyń damýyna súbeli úles qosyp, qoǵamdyq ómirge belsendi atsalysyp júrgen aqtóbelikterdi marapattady.
Atap aıtqanda, «Jomart júrek» medali erkin kúres sheberi Nurıslam Sanaevqa, metsenattar Almabek Tólepov, Dosbol Bakenov pen Aldambergen Joldasovqa, «Jyldyń úzdik uıymy» atalymy Dóń ken baıytý kombınatyna berildi. Taǵy alty adam «Oblysqa sińirgen eńbegi úshin» tósbelgisin aldy. Budan ózge, «Kazhrom» TUK AQ prezıdenti Arman Esenjolov, oblystyń bas ınfektsıonıst-dárigeri Meırambek Qurmanǵazın, kásipker Vladımır Grınberg, músinshi Jeńis Jubanqosov, polıtseı Muratbek Nurmaǵambetov pen belsendi Nurjan Orazov «Jyl adamy - 2021» ataǵyn ıelendi.
«Egemendiktiń otyz jyldyq mereıli jylynda el tarıhyndaǵy eleýli kezeńdi bastan ótkerýdemiz. Osy ýaqyt ólshemindegi jetistikterdi Nursultan Ábishuly Nazarbaevtaı birtýar tulǵasyz elestetý qıyn. Ol ǵasyrlarǵa júk bolar aýqymdy isterdi atqardy. Álemdik tájirıbede zaıyrly elder, túrli kezeńde memleket basqarǵan qandaı tulǵa bolmasyn onyń bolmysyna zor qurmetpen qaraıdy. Bizdiń búgingi atap otyrǵan Tuńǵysh Prezıdent kúni sondaı qurmettiń nyshany.
«Ótken kúnnen alys joq, keler kúnnen jaqyn joq» deıdi qazaq. Ózderińiz jaqsy bilesizder, men Elbasynyń janynda júrip on eki jyl qyzmet jasadym. Eldiń qamy úshin tynymsyz eńbeginiń kýási boldym. Búgingi biz kórip otyrǵan jetistikterdiń qaı-qaısysy bolsyn, ońaılyqpen kelmegenin kózimmen kórdim. Jeke tulǵa retindegi qasıetterin de erekshe sezingen adammyn. Erkindik alyp, óz aldymyzǵa el bolý, ata-babalarymyzdyń asyl armany edi. Sol armandy iske asyrý Elbasyna, onyń nátıjesin kórý bizdiń baǵymyzǵa buıyrdy«, - dep atap ótti oblys ákimi Ońdasyn Orazalın.