Sportshylarymyz Olımpıadanyń 11-kúni qandaı erekshelikterimen este qaldy

<p>PARIJ. KAZINFORM &ndash; Frantsııa astanasy Parıj qalasynda ótip jatqan Olımpıada oıyndary bel ortasynan aýyp barady.&nbsp; Qazaq sportshylary úshin asa sátti bolǵan kún desek qatelespeımiz.&nbsp;</p>

Naqtyraq aıtsaq, áıelder boksynan 50 keli salmaqta Nazym Qyzaıbaı Olımpıada oıyndarynyń qola júldegeri atandy. Ol ókinishke qaraı, jartylaı fınalda qytaılyq Vý ıÝǵa jol berip aldy. Alaıda, elge qur qaıtpaıdy. Moıynynda Parıj Olımpıadasynyń qola medali bar.

Sonymen qatar keshegi taǵy bir asa mańyzdy jeńisterdiń biri — grek-rım kúresinen Ulttyq qurama múshesi 77 keli salmaqtaǵy Demeý Jadyraevtiń fınalǵa shyǵýy. Ol jartylaı fınalda Ázirbaıjan ókili Sanan Sýleımanovtan basym tústi. Endi Jadyraev Olımpıadanyń altyny úshin synǵa túsedi.

6 — tamyzdaǵy taǵy bir erekshe atap óter jańalyqtardyń biri — quzǵa órmeleý sportynan otandasymyz Ámir Maımuratovtiń Olımpıada rekordyn jańartýymen este qaldy. Ol erler arasynda jyldamdyqqa quzǵa órmeleýden aralyq kezeńde A jolaǵynda 4,89 sekýnd nátıjesin kórsetti. Osylaısha qazaqstandyq sportshy Olımpıada rekordyn jańartty.

Al buǵan deıingi Olımpıada rekordy frantsııalyq Mavem Bassaǵa tıesili bolatyn. Ol 2021 jyly Tokıoda (Japonııa) ótken Olımpıada oıyndarynda jyldamdyqqa quzǵa órmeleýden 5,45 sekýndty tirkegen bolatyn.

Al baıdarka men kanoede esýden 500 metrge jarysta Bekarys Ramatýlla men Sergeı Tokarnıtskıı juby óz tobynda márege besinshi jetti. Ýaqyt kórsetkishi — 1:38.62 sekýnd.

Kanoede 500 metrge eskek esýde Marııa Brovkova men Rýfına Iskakova juby óz tobynda 5-oryn aldy. Olardyń ýaqyt kórsetkishi — 2:00.05 sekýnd. Kanoede 500 metrge eskek esýde Sergeı Emelıanov pen Tımýr Haıdarov juby irikteýde óz tobynda márege 5-shi jetti.

Ýaqyt kórsetkishi — 1:45.94 sekýnd. Jeńil atletıkadan Davıd Efremov 110 metrge kedergiler arqyly júgirýdiń jubanysh kezeńinde sóreden durys shyqpaǵany úshin (falstart) jarystan shettetildi.

Al Qazaq eli taǵy bir medaldan basty úmitker sanaǵan qazaqtyń «qara marjany» atanyp ketken Nora Djerýto 3000 metrge kedergiler arqyly júgirýdiń fınalynda márege 9-shy bolyp jetti. Ýaqyt kórsetkishi — 9:08.97 sekýnd. Osylaısha ol Olımpıada oıyndaryn júldesiz aıaqtady. Olımpıadanyń onbirinshi jarys kúninen keıin Qazaqstan quramasynyń qorjynynda 1 altyn, 1 kúmis, 3 qola júlde bar. Al jalpy medaldar kestesinde 30-orynda keledi.