Sportshylar jattyǵý jıyny men jarysta farmatsevtıkalyq preparattarmen qamtamasyz etile me

<p>ASTANA. KAZINFORM &mdash; Joǵary aýdıtorlyq palatanyń 2021 jylǵy 13 jeltoqsandaǵy Tokıo Olımpıadasynyń daıyndyǵyna bólingen qarjynyń qanshalyqty tıimdi paıdalanǵanyn teksergen memlekettik aýdıttiń qorytyndysyna sáıkes Mınıstrlikke QR Ulttyq Olımpıada komıtetimen birlesip, qoldanystaǵy tamaqtaný jáne farmakologııalyq qamtamasyz etý normatıvterin qaıta qaraý jáne ózektendirý jóninde sharalar qabyldaý tapsyryldy.&nbsp;</p>

Qazaqstan Respýblıkasy Týrızm jáne sport mınıstriniń 28.05.2024 jylǵy № 111 buıryǵyna sáıkes Qazaqstan Respýblıkasy Mádenıet jáne sport mınıstriniń 2014 jylǵy 22 qarashadaǵy № 107 buıryǵyna oqý-jattyǵý jıyndary men sporttyq is-sharalarǵa qatysatyn sportshylardyń tamaqtaný normalaryna mynadaı ózgerister engizildi:

1) Bir adamnyń teńgemen eseptegendegi táýliktik shyǵystarynan respýblıkalyq uıymdar úshin «deıin» mátini alynyp tastaldy;

2) keıbir sport túrleri boıynsha energııa shyǵyndaryn esepteý qaıta qaraldy (aýyr atletıka jáne sporttyq gımnastıka 7 000 kalorııaǵa deıin, sporttyq quzǵa órmeleý, praktıkalyq atý, nysana kózdeý, stendtik atý, sadaq atý, qozǵalmaly nysanaǵa atý jáne semserlesý 5 700 kalorııaǵa deıin).

Degenmen ózgeristerde tamaqtaný jáne farmokologııalyq qamtamasyz etý normatıvteriniń tizbesi qaıta qaralmaǵan, sondaı-aq nazarǵa alynbaǵan. 2014 jyly qabyldanǵan sátten beri ózekti másele retinde qaralmaǵan.

Sportshylardyń dene daıarlyǵy men sporttyq jetistikteriniń nátıjeliligin arttyrý úshin tamaqtaný normatıvteri men farmakologııalyq qamtamasyz etý jıyntyǵynyń ózektiligin taldaý jáne zertteý maqsatynda Mınıstrlik 2025 jyly áleýmettik zertteý júrgizýdi josparlap otyr.