Sportshyǵa tórt kún qatarynan jarysqa shyǵý qıyn – Aleksandra Leniń jattyqtyrýshysy

<p>ALMATY. KAZINFORM &ndash; Olımpıadashylarǵa úlken mindet júkteldi. Aleksandra Le ózine artylǵan jaýapkershilikti sezinip, el namysyn barynsha abyroımen qorǵady. Mundaı pikirdi sportshynyń jattyqtyrýshysy Olga Dovgýn aıtty.</p>

Olga Dovgýn Aleksandra Leniń júldeli orynnan kórine almaýynyń birneshe sebebin atady.

«Júktelgen mindetti jaýapkershilikpen oryndaý óte úlken jumys, ásirese psıhologııalyq turǵydan. Keshe ǵana qola medal alyp, kelesi kúni fınalǵa shyqty. Tórtinshi kúni jarysqa qaıta shyqty. Bul sportshyǵa óte qıyn. Sonymen qatar jas sportshy mundaı jarys dárejesine alǵash ret shyǵyp tur. Jaraıdy, onyń aldynda áli talaı beles bar. Ol aqyldy», - dedi jattyqtyrýshy.

Ol sondaı-aq almatylyqtar men Qazaqstannyń barlyq turǵynyna sportshylardy qoldaǵany úshin alǵysyn bildirdi.

Aıta keteıik, búgin qazaqstandyq mergen Aleksandra Le Olımpıadany 6-orynmen aıaqtady. 

Esterińizge sala keteıik, Aleksandra Le buǵan deıin aralas juptyq saıysta Islam Sátpaevpen birge Parıj Olımpıadasynyń qola júldesin jeńip alǵan edi.