Qazaqstandyq sportshy para bıatlonnan álem kýbogi kezeńiniń qola júldegeri atandy

<p>ASTANA. KAZINFORM &ndash; Qazaqstandyq Erbol Hamıtov para shańǵy men para bıatlonnan Italııanyń Martel qalasynda ótip jatqan álem kýboginiń ekinshi kezeńinde qola júldeger atandy.</p>

Erbol Hamıtov para bıatlonnan 7,5 km qashyqtyqty 22:02.5 sekýnd ýaqytta baǵyndyryp, úzdik úshtikke ilikti. 

Márege birinshi bolyp ýkraınalyq qarsylasy Taras Rad 21:33.2 sekýnd ýaqytymen jetti. Taǵy bir ýkraınalyq sportshy Pavlo Bal 21:52.2 sekýnd kórsetkishimen kúmis júldege qol sozdy.
Álem kýboginiń ekinshi kezeńi 31 qańtar men 4 aqpan aralyǵynda ótip jatyr. Jarysqa 18 memleketten 160-tan astam sportshy keldi. Qazaqstannan 7 sportshy óner kórsetýde.