Sport jáne mádenı úıirmeler balalar úshin tegin bolýy tıis - Arýjan Saın

ALMATY. QazAqparat – Bıýdjet qarajaty tıimdi ári paıdaly dúnıege jumsalýy kerek. Bul týraly QR Bala quqyqtary jónindegi ýákili Arýjan Saın kıberbýllıngtiń aldyn alýǵa arnalǵan jıynda aıtty, dep habarlaıdy QazAqparat tilshisi.

Onyń aıtýynsha, elimizdegi barlyq balalar sport sektsııalaryna, kórkem, ǵylymı, teatr úıirmelerine barý qajet. Bul balalardyń bos ýaqytyn tıimdi ótkizýine áser etedi. ıAǵnı, býllıng pen kıberbýllıngtiń aldyn alýǵa kómektesedi.

« Bizde paıdasyz sharalarǵa mıllıondaǵan qarajat jumsalyp jatyr. Mysaly qalalyq erejesiz jekpe-jekterdi uıymdastyrýǵa mıllıardtan asa teńge bólingen men mundaı sharalardy múldem qoldamaımyn. Esesine osy qomaqty aqshany balalardyń sabaqtan tys ýaqytyn tıimdi paıdalanýǵa jumsaý qajet», – deıdi Arýjan Saın.

QR Bala quqyqtary jónindegi ýákil bul bastamasyn iske asyrý úshin barlyq tıisti mınıstrlikter men ákimdikterge hat joldaǵanyn tilge tıek etti.

« Jaqynda men Prezıdent Qasym– Jomart Toqaevtyń qabyldaýynda boldym. Sol kezde osy oıymdy aıttym. Men barlyq ákimdikke hat jazdym. Ázirge mardymdy jaýap almadym. Negizi sporttyq jáne mádenı úıirmeler qoljetimdi bolýy tıis. Oqýshylardyń áleýmettik jaǵdaıyna qaramastan tolyq qamatasyz etilýi kerek. Bul úıirmeler bıýdjet esebinen tegin uıymdastyrýy tıis. Sol kezde balalardyń 95 paıyzy óziniń súıikti isimen aınalysa alady», - dedi ol.

Osylaısha Arýjan Saın kúrdeli máselelerdiń sheshimin usyndy. Ásirese, memlekettik bıýdjet esebinen ótetin ımıdjdik «is-sharalar» qysqaryp, esesine elimizdegi balalar úıindegi jáne mektep jasyndaǵy balalardyń jaǵdaıy men qaýipsizdigine basa nazar aýdarý kerektigin aıtty.