Sport vıtse-mınıstri Cherchesovtiń aılyǵy týraly pikir bildirdi

<p>ASTANA. KAZINFORM &ndash; Týrızm jáne sport vıtse-mınıstri Serik Jarasbaev fýtboldan ulttyq quramanyń bas bapkeri bolyp taǵaıyndalǵan reseılik Stanıslav Cherchesovtiń aılyǵy týraly pikir bildirdi.</p>

«Qazirgi zań boıynsha árbir federatsııa óz qalaýy boıynsha bas jattyqtyrýshyǵa óz usynysyn beredi. M.Adıev jumystan bosaǵannan keıin federatsııa óz usynys jiberdi bizge. Biz qarastyryp, ol usynyspen kelistik. Biraq onyń eńbekaqy men basqa da máselelerdi federatsııa óz tarapynan sheshedi», - dedi vıtse-mınıstr.

Serik Jarasbaev BAQ-taǵy S.Cherchesovtiń aılyǵy týraly aqparatty rastaı da, teriske shyǵara da almaıtynyn aıtady.

«Sebebi ony fýtbol federatsııasy arqyly resmı túrde suraý kerek. Federatsııaǵa birlesip suraq qoıaıyq, qalaı, qandaı shartpen taǵaıyndaǵany. Zań boıynsha árbir adamnyń jalaqysy qupııa. Onyń bári kelisimsharttyń ishinde jazylady. Sondyqtan suraqty federatsııa arqyly qoıý kerek dep oılaımyn. Eger bıýdjetten tólenip jatsa, halyqty ony bilýge quqyǵy bar. Al federatsııa tarapynan jeke menshik retinde tólenip jatsa, zańdy túrde qarastyrý kerek», - dedi Týrızm jáne sport vıtse-mınıstri.