Sport úıirmesin júrgizgen pedagogqa qosymsha aqy tóleý pysyqtalýda – Aqtoty Raıymqulova
Atalǵan vedomstvo baspasóz qyzmetiniń málimetinshe, jıynda mınıstr Memleket basshysynyń Joldaýy 2020 jylǵy syn-qaterlerge bergen senimdi jaýaby bolǵanyn jáne ulttyq maqsat-mindetterge qol jetkizý úshin memlekettik organdar qyzmetiniń negizgi baǵyttaryn aıqyndap bergenin jetkizdi.
«Memleket basshysy óz Joldaýynda ekonomıka halyqtyń əleýmettik jaǵdaıyn jaqsartýǵa, qoǵam suranysyn qanaǵattandyrýǵa baǵyttalýy keregine erekshe nazar aýdardy. Sonymen qatar Prezıdent əlemdik pandemııa kózqarasymyzǵa úlken ózgerister engizgenin aıtty.
Joldaýda Memleket basshysy buqaralyq sportqa baılanysty birqatar atqarylatyn jumys legin pysyqtap, qazirgi jaǵdaıda kəsibı sport klýbtaryn memleket tarapynan qarjylandyrýdyń qajeti joǵyn ashyp kórsetti. Biz óz kezeginde óńirlerde sportty damytý, balalardyń shyǵarmashylyq əleýetin arttyrý baǵytynda keshendi sharalardy jalǵastyrýymyz kerek. Tegin sport sektsııalaryn ashý, mektep jəne stýdentter lıgasyn qurý, mektepterdi sport qural-jabdyqtarmen qamtamasyz etý syndy mańyzdy məselelerdi sheshý maqsatynda 2020-2025 jyldar aralyǵynda Dene shynyqtyrý men buqaralyq sportty damytýǵa arnalǵan keshendi jospardy iske asyrýdyń mańyzy zor.
Bul rette, atqarylyp jatqan jumystar da nətıjesin berip otyr. Məselen, ótken jyly 11 balalar men jasóspirimderge arnalǵan sport mektebi ashyldy. Jalpy respýblıka aýmaǵynda 350 myńnan astam jasóspirimdi tárbıelep jatqan 477 sport mektebi jumys isteıdi. Al bul mekemelerde sektsııalar tegin júrgiziledi. Balanyń shyǵarmashylyq qabiletin damytýǵa keler bolsaq, aldaǵy ýaqytta óńirlerde ulttyq qolóner ortalyqtary boı kóteredi. Mysaly, osy baǵytta jumys istep kele jatqan Jambyl oblysyndaǵy «Shahrestan» ortalyǵyn aıtar edim. Bul jerde ulttyq qolónerdi jandandyrýǵa jaǵdaı jasalyp keledi», - dedi Aqtoty Raıymqulova.
Sonymen qatar mınıstr Joldaýda muǵalimderdiń jalaqysyn arttyrý boıynsha tıisti jumystar júrgizip jatqanyn tilge tıek etti.
«Joldaýda Prezıdent 2021 jyldyń 1 qańtarynan bastap muǵalimder jalaqysyn 25 paıyzǵa arttyrý jaıly tapsyrma berdi. 2020 jyly 1 qańtardan bastap mádenıet jáne sport salasyndaǵy mamandandyrylǵan mektep men kolledj qyzmetkerleriniń jalaqysy 2023 jylǵa deıin jyl saıyn 25% ulǵaıatyn bolady. Sonymen qatar memlekettik bilim berý uıymynyń pedagogtaryna sabaqtan tys sport sabaqtaryn júrgizgeni úshin bazalyq laýazymdyq jalaqydan 100 paıyz mólsherinde qosymsha aqy engizý máselesi pysyqtalyp jatyr. Azamattardyń saýattylyq deńgeıin arttyrý maqsatynda úzdiksiz bilim berý tujyrymdamasyn ázirleý tapsyryldy. Bul baǵytta mınıstrlik beıresmı bilim berýdiń balama nusqalaryn engizý boıynsha jumys júrgizip keledi. Sonymen qatar www.mmura.kz portalynda «Ulaǵatty urpaq» mádenı-bilim berý platformasy jumys isteıdi, joba básekege qabiletti kópmádenıetti tulǵany jandandyrý úshin oqýshylardyń mádenı-adamgershilik qasıetterin damytýǵa baǵyttalǵan. Joba sheńberinde mádenı aǵartýdyń jańa formaty qurylady, oqýshylardyń eldiń mádenı baılyǵy týraly jalpy bilim deńgeıi artady jáne kórkemdik talǵamyn damytady, daryndy oqýshylar úshin áleýmettik lıft múmkindigi beriledi», - dedi mınıstr.