Sport tóreshileriniń deni zeınet jasynda nemese zeınetke taıap qalǵan – mınıstr

ŞÝChINSK. QazAqparat – Elimizde sport tóreshileriniń tapshylyǵy týyndaýy múmkin. Jáne búginde elde bar tóreshilerdiń kóbi zeınet jasynda. Atalǵan máseleni QR Mádenıet jáne sport mınıstri Dáýren Abaev kóterip otyr, dep habarlaıdy QazAqparat tilshisi.

«Bizde jattyqtyrýshylardyń deni zeınet jasynda nemese zeınetke taıap qalǵan. 5-6 jyldan keıin bizde kadr tapshylyǵy týyndaýy múmkin. Osyǵan baılanysty jattyqtyrýshylardyń jalaqysyn daıarlaý men olardyń jalaqy máselesin sheshý jóninde Úkimetke usynys beremiz. Jáne olardy materıaldyq yntalandyrý máselesin pysyqtaımyz», - dedi Dáýren Abaev Şýchınskide ótken Beıjińde ótken XXIV qysqy olımpıada oıyndarynyń qorytyndysyna arnalǵan keńeıtilgen otyrysta.

Onyń aıtýynsha, ulttyq quramda el namysyn qorǵaıtyn talantty sportshylar jetkilikti.

«Sport uıymdaryn qarjylandyrýdy ońtaılandyrýdy talap etedi. Infraqurylymdy jaqsarta túsý úshin qarjy kerek. Mysaly, keıbir sport mektepteriniń múmkindigi az, barlyq jarystarǵa shyǵa almaıdy. Odan qaldy jattyǵý quraldary eskirgen. Al búgin sport sektsııasyna qatysyp otyrǵan bala, erteńgi chempıon ǵoı. Sondyqtan sport mektepterin qajetti jabdyqtarmen qamtý óte mańyzdy», - deıdi ol.