Sport mınıstri júldegerlerge túrli syılyqtar berýge qatysty pikir aıtty

<p>ASTANA. KAZINFORM &ndash; Túrli jarystardan júldeli oralǵan sportshylardy jan-jaqty qoldaý kerek. Bul týraly QR Týrızm jáne sport mınıstri Erbol Myrzabosynov málim etti.</p>

Búgin Májilistiń jalpy otyrysynan keıin tilshiler demeýshiler tarapynan sportshylarǵa beriletin syıaqylarǵa qatysty suraq qoıdy.

«Qazir jeńimpazdar men júldegerlerge páter berý máselesi tıisti zańda eskerilgen. Sonymen qatar, basqa da baǵaly syılyqtar boıynsha ákimdikterge habarlasyp, sportshylarymyzdy qoldaý baǵytynda ózara keńesemiz. Odan bólek, iri jarystardan kelgen jeńimpazdarǵa el azamattary syıaqy túrinde demeýshilik jasap, kútip alady. Jaqsy nátıje kórsetken sportshylarǵa avtokólik syılap, azamattyq tanytyp jatady», - dedi K. Myrzabosynov.

Onyń aıtýynsha, sportshylar bala kezinen joǵary sportqa jetkenge deıin ter tógip, eńbek etedi. Abyroıly jarystarda eldiń týyn joǵary kóterip kele jatqandar bar.

«Olar patrıottyq sezim men salaýatty ómir saltyn nasıhattaýǵa eleýli úles qosyp keledi. Meniń oıymsha, sportshyny jan-jaqty qoldaý – ol durys», - dedi mınıstr.

Búgin Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine dene shynyqtyrý jáne sport, sondaı-aq normalardyń artyq zańnamalyq reglamenttelýin boldyrmaý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy. 

Qujat aıasynda sport federatsııalarynyń qyzmeti de ózgeredi.