Sport mınıstri dzıýdoshy Galbadrahtyń azamattyǵyna qatysty pikir aıtty

<p>ASTANA. KAZINFORM &ndash; Dzıýdoshy Galbadrah Otgontsetseg Qazaqstannyń sportyna ońtaıly áser etti. Bul týraly QR Týrızm jáne sport mınıstri Erbol Myrzabosynov aıtty.</p>

Úkimet otyrysynan keıin ótken baspasóz máslıhatynda tilshiler Mońǵolııa eliniń azamattyǵyn qaıtadan alýǵa ótinish bergen Galbadrah Otgontsetsegke qatysty túsinik berýdi surady.

Óz kezeginde E. Myrzabosynov tanymal dzıýdoshy Galbadrah Otgontsetseg biraz ýaqyt Qazaqstan atynan birqatar jarysqa qatysqanyn eske saldy.

- Tıisti jumystardyń arqasynda elimizdiń quramasynda osy salmaq dárejesinde qyzdar jaqsy nátıje kórsetip keledi... Osy sport boıynsha federatsııamen atalǵan másele talqylandy. Sportshynyń (Galbadrah Otgontsetseg) otbasy jaǵdaıy, onyń shyǵý tegi Mońǵolııamen baılanysty. Ol endi sondaǵy quramamen jumysyn atqarady. Jalpy, osyndaı tájirıbeler bar. Buǵan deıin shetelden tartylǵan sportshylarǵa qatysty máseleler kóterilgen edi. Otandyq sport mektepterindegi sportshylardy daıarlaýǵa, ózimizdiń kadrlarǵa ekpin qoıyp otyrmyz, - dedi mınıstr.

Erbol Myrzabosynovtyń paıymynsha, Galbadrah Otgontsetsegtiń tájirıbesi Qazaqstannyń sportyna ońtaıly áser etti.

- Sportshy jáne bapker ári tálimger retinde ol bizdiń dzıýdoshylarǵa belgili bir tyń serpin berdi. Ol óziniń kelisimsharttaǵy mindetin oryndady. Endi óziniń otbasyna oraldy, - dep túsindirdi mınıstr.

2019 jyly Galbadrah Otgontsetseg Halyqaralyq dzıýdo federatsııasy jarııalaǵan reıtıngte 6-orynǵa kóterilgenin jazǵan edik.