Sport legıonerlerin bıýdjet esebinen qarjylandyrýǵa tyıym salynbaq

<p>ASTANA. KAZINFORM &ndash; Sport legıonerlerin bıýdjet qarajaty esebinen qarjylandyrýǵa tyıym salynbaq. Bul týraly Sybaılas jemqorlyqqa qarsy is-qımyl agenttiginiń resmı ókili Danııar Bıgaıdarov málim etti.</p>

«Sybaılas jemqorlyq táýekelderin syrtqy taldaý qorytyndysy boıynsha agenttik Týrızm jáne sport mınıstrliginiń atyna jemqorlyq táýekelderin joıý boıynsha usynystar engizgenin atap ótemiz. Kásibı sport klýbtaryndaǵy legıonerlerdiń úlesin qysqartý jáne qarajatty buqaralyq qaıta baǵyttaý jóninde sharalar qabyldaý, joǵary jetistikter sportyn qarjylandyrýdy ortalyqtandyrý, sport, ınfraqurylym, sporttyq is-sharalar men jetistikter salasynda aınalysatyn adamdar boıynsha sportty qarjylandyrý nátıjelerin baǵalaýǵa múmkindik beretin tolyq derekterdi qamtıtyn E-sport ulttyq tsıfrlyq platformasyn engizý usynyldy», - dedi resmı ókil.

Onyń atap ótýinshe, qazirdiń ózinde alǵashqy nátıjeler bar.

«Máselen, zańnamalyq deńgeıde legıonerlerdi bıýdjet qarajaty esebinen, onyń ishinde kvazımemlekettik sektor qarajatynan qarjylandyrýǵa tyıym salý josparlanýda. Kásibı klýbtardy qarjylandyrý protsesteri qaıta qaralyp jatyr», - dedi Danııar Bıgaıdarov.

Buǵan deıin kásibı fýtbolǵa bólinetin bıýdjet qarajatyn jumsaý kezinde eleýli jemqorlyq táýekelder anyqtalǵanyn jazǵan edik.