Sport kommentatory Gınness rekordtar kitabyna endi - sheteldegi qazaq baspasózi
Jazdyń ortasynda áýesqoılar Shyńjańǵa shańǵy tebýge keldi - «Halyq gazeti»
Jaqynda bir bloger Shyńjańdaǵy Mýstag(Muztaý) shyńynda shańǵymen syrǵanaǵan vıdeosyn jarııalap, jeli qoldanýshylarynyń qyzyǵýshylyǵyn týdyrdy, dep habarlaıdy Qytaıdyń «Halyq gazeti».
Atalǵan BAQ-tyń keltirgen deregine súıensek, shilde aıynda Shyńjańda shańǵy tebý tańsyq emes. Siz muny Dý-Ký (Maıtaý-Kúshar) tasjolynda óz kózińizben kóre alasyz. Bul jolda «bir kúnde tórt maýsym, on shaqyrym saıyn túrli aýa raıy» bolady. 6 shildede Dý-Ký tasjolyna qalyń qar jaýyp, jol kóktaıǵaq bolyp, keptelis paıda boldy. Kólik ıeleri qarly jolda kólikterin ıterýge májbúr bolǵan.
«7 shildede Dý-Ký tasjolynyń teńiz deńgeıinen 3400 metr bóligindegi Qashailgen asýynda aýa temperatýrasy 14℃ boldy, týrıster munda jazǵy shańǵy tebýdi tamashalady», dep jazdy «Halyq gazeti».
Sonymen qatar osy aptada «Halyq gazeti» basylymynda «Parıj Olımpıadasyna qatysatyn Qytaıdyń sporttyq delegatsııasy quryldy» degen taqyryptaǵy aqparat jaryq kórdi.
Qytaılyq basylymnyń keltirgen derekterine súıensek, 13 shildede Beıjińde Qytaıdyń Parıj Olımpıadasyna qatysatyn sporttyq delegatsııasy quryldy. «Qytaılyq sport delegatsııasynyń jalpy sany 716 adam, onyń ishinde 405 sportshy. Sportshylar arasynda 42 Olımpıada chempıony bar, al 223-i Olımpıada stadıonynda alǵash ret óner kórsetedi. Osy Olımpıada oıyndaryndaǵy qytaılyq sport delegatsııasy 30 negizgi, 42 qosalqy jáne 236 kishigirim is-sharaǵa qatysady», dep jazdy People.cn.
Sondaı-aq, «Halyq gazeti» basylymynda «Dombyra - qazaq halqynyń mádenı qazynasy» degen shaǵyn beınerolıgi bar aqparat jarııalandy.
«Dombyra – qazaq halqynyń mádenıetinde mańyzy zor eki ishekti shertpeli mýzykalyq aspap. Ol Qytaıdyń Shyńjań-Uıǵyr avtonomııalyq regıonynda tanymal jáne Qazaqstan halqynyń ómirinde tereń mádenı ról atqarady. Dombyranyń qońyr áýenine qulaq salyńyz!» dep jazdy qytaılyq basylym.
Qazaqstan, Reseı, Iran jáne Túrkimenstan ortaq kelisimge qol qoıdy - Parstoday
Qazaqstan, Reseı, Iran jáne Túrkimenstan Soltústik-Ońtústik dáliziniń shyǵys baǵytyn damytý boıynsha jol kartasyna qol qoıdy, dep habarlady Irannyń «Parstoday» aqparat agenttigi.
Atalǵan basylymnyń málimetinshe, bul qujat dálizdiń ótkizý qabiletin 2027 jylǵa qaraı jylyna 15 mıllıon tonnaǵa, 2030 jylǵa qaraı 20 mıllıon tonnaǵa deıin arttyrýǵa múmkindik beredi.
Qol qoıý Aqtaýda ótip jatqan «Soltústik-Ońtústik» birinshi kóliktik saýda-eksport forýmynda ótken. Oǵan 12 eldiń, sondaı-aq Eýrazııalyq ekonomıkalyq komıssııa men Ekonomıkalyq yntymaqtastyq uıymynyń ókilderi qatysqan.
Sport kommentatory Gınness Rekordtar kitabyna endi - TRT
Boks matchtarynyń ańyzǵa aınalǵan daýsy, TRT sport kommentatory Orhan Aıhan Gınness Rekordtar kitabyna endi. Orhan Aıhan 61 jyl 275 kún eńbek etip, eń uzaq kareraǵa ıe erkek sport kommentatory ataǵyn aldy, dep habarlaıdy Túrkııa Radıo Televızııa portaly.
Túrkııalyq BAQ-tyń dereginshe, 24 jasynda radıoda sport kommentatory qyzmetin bastaǵan ol kásibı ómirinde 6 Olımpıada men kóptegen chempıonatqa qatysty. Kommentator ásirese boks álemine qyzyǵýshylyq tanytty. Álemge áıgili boksshylar men klýbtardyń jarystaryn usynǵan. Sonymen birge ol fýtboldyń aty ańyzǵa aınalǵan tulǵasy brazılııalyq Peleniń mereıtoıyna qatysqan jalǵyz túrik jýrnalısi ataǵyna ıe.
«Orhan Aıhan 61 jyldan astam eńbek joly úshin Gınnestiń Rekordtar kitabyna endi. Áli kúnge deıin «TRT Spor» telearnasynda jumys isteıdi. Ol qazirge deıin 11 myń 500-den astam matchty usyndy», dep jazady túrkııalyq basylym.
Sondaı-aq osy aptada «TRT» basylymynda «Túrik ýnıversıteti Qazaqstan ýnıversıtetterimen kelisimge keldi» degen taqyryptaǵy aqparat jaryq kórdi.
Túrkııalyq BAQ-tyń dereginshe, Atatúrik ýnıversıteti endi Qazaqstannyń keıbir ýnıversıtetterimen ǵylymı zertteýlerde yntymaqtasady. Atalǵan ýnıversıtet Qazaqstannyń keıbir ýnıversıtetterimen jáne Túrik yntymaqtastyq jáne úılestirý agenttigimen (TIKA) birlesken ǵylymı zertteýler sııaqty máselelerde yntymaqtastyq jasaıdy, dep habarlaıdy Túrkııa Radıo Televızııa portaly.
Túrkııalyq BAQ-tyń keltirgen málimetine súıensek, ýnıversıtet tarapynan jasalǵan málimdemege sáıkes rektor professor, doktor Ómer Chomakly «Jańa býyn ýnıversıtet jobalaý jáne transformatsııalaý» jobasy aıasynda álemdik ýnıversıtettermen yntymaqtastyq kelisimderin keńeıtý maqsatynda Qazaqstannyń keıbir ýnıversıtetterin aralaǵan.
Rektor Chomakly sapary barysynda Qazaqstandaǵy Túrkııa elshiligimen, TIKA keńsesi, Gýmılev ýnıversıteti jáne Agrotehnıkalyq ýnıversıtet basshylarymen de kezdesken.
TIKA sapary barysynda Qazaqstandaǵy túrik mektepteri men ýnıversıtetteri arasynda túrli jobalarda yntymaqtastyq ornatý týraly kelisimge qol jetkizildi. Stýdent jáne oqytýshy almasý baǵdarlamalary, birlesken ǵylymı jobalar talqylanyp, ýnıversıtetterdiń básekege qabilettiligin arttyrýǵa baǵyttalǵan kelisimderge qol qoıylǵan.
Tashkentte Muhtar Áýezov atyndaǵy Ońtústik Qazaqstan ýnıversıtetiniń fılıaly ashylady - «ÓzA»
Ózbekstan men Qazaqstannyń joǵary bilim mınıstrlikteri arasynda 2023 jyldyń jeltoqsanynda tıisti kelisimge qol qoıylǵan edi. Tashkent oblysynyń Shyrshyq qalasynda Muhtar Áýezov atyndaǵy Ońtústik Qazaqstan ýnıversıtetiniń fılıaly ashylady. Soǵan sáıkes Mınıstrler kabınetiniń tıisti sheshimi qabyldandy, dep habarlaıdy ózbekstandyq «ÓzA» aqparattyq agenttigi.
Atalǵan BAQ-tyń málimetinshe, osyǵan oraı, fılıal qyzmetiniń negizgi baǵyttary ekonomıka salalary úshin joǵary bilikti mamandardy daıarlaý, bilim, ǵylym jáne óndiristiń úzdiksizdigi men júıeliligi qaǵıdattary, sondaı-aq álemniń bedeldi bilim jáne ǵylymı ortalyqtarymen úılesimdi ıntegratsııa negizinde mamandar men ǵylymı kadrlardy daıarlaý jáne qaıta daıarlaý júıesin jetildirilmek.
«Ýnıversıtet fılıaly kadrlar qajettiligine qaraı bakalavrıat jáne magıstratýra mamandyqtary boıynsha barlyq deńgeıdegi mamandardy daıarlaýdy, qaıta daıarlaýdy jáne olardyń biliktiligin arttyrýdy júzege asyrý jáne ǵylymı-pedagogıkalyq kadrlardy daıarlaýdy júzege asyrady», dep jazady ózbekstandyq basylym.
Sondaı-aq, osy aptada «ÓzA» agenttiginde «Aksıkentten kóne qylysh pen tıyndar tabyldy» degen taqyryptaǵy aqparat jarııalandy.
Sonymen qatar Namangan oblysynda XI-XIV ǵasyrǵa tán kóne qylysh, Baktrııa men Qytaı monetasy, jáne ǵulama Ábý Nasyr Ál-Farabıdiń kitaby tabylǵan.
Ózbekstanadyq BAQ-tyń dereginshe, mamandar XI ǵasyrǵa tıesili deıtin qylysh urys jaǵdaıynda saqtalǵan. Ony Aksıkenttiń ustalary qatty bolattan jasaǵan. Al ekinshi qarý XIV ǵasyrǵa jatady jáne ony Ámir Temirdiń arnaıy sarbazdary qoldanǵan eken.