Sport komıtetiniń ustalǵan sheneýnikterine qatysty jańa derekter jarııalandy
«Shyǵys Qazaqstannyń sybaılas jemqorlyqqa qarsy kúres qyzmetkerleri buǵan deıin Rıdder qalasyndaǵy sporttyq korpýstyń qurylysyna baılanysty bıýdjettiń iri kólemde jymqyrylǵan faktisi boıynsha tergeý júrgizip jatqan edi. Tergeý barysynda Sport jáne dene shynyqtyrý isteri jónindegi komıtet tóraǵasynyń joǵaryda atalǵan orynbasarlarynyń birine qatysty taǵy bir jańa qylmystyq is qozǵaldy. Ol sport nysany boıynsha atqarylǵan jumysqa qol qoıý úshin 10 mln teńge aqsha jáne 13 mln tengelik «Toyota Hilux» avtokóligin alý kúdigine ilindi», - dedi Danııar Bekaıdarov QR Sybaılas jemqorlyqqa qarsy is-qımyl agenttiginiń 1-shi departamentiniń asa mańyzdy ister
Qazir atalǵan is boıynsha sotqa deıingi tergeý amaldary jalǵasýda. Kúdikke ilingen adamdardyń aıybyn túpkilikti sot anyqtaıdy.
Budan buryn habarlanǵandaı, bıyl mamyr aıynda Sport jáne dene shynyqtyrý isteri komıteti tóraǵasynyń orynbasarlary ustalǵan edi. Olar Rıdder qalasyndaǵy «Respýblıkalyq mamandandyrylǵan olımpıadalyq rezervtik mektep-ınternaty» RMM-niń 300 orynǵa arnalaǵan oqý korpýsy» qurylys nysanyn salý kezinde is júzinde oryndalmaǵan jumys úshin merdigerdiń shotyna 380,8 mln teńge somasynda bıýdjet qarajatyn aýdarý arqyly jymqyrdy degen kúdikke ilindi.
Al osydan bir apta buryn bul iske qatysty taǵy eki adamnyń ustalǵany habarlaǵan bolatyn .