Sport: Qazaqstanda jattyqtyrýshylardyń eńbekaqysy eki esege artady

NUR-SULTAN. QazAqparat - Premer-Mınıstr Asqar Mamın elimizde sportpen aınalysatyn azamattardyń sanyn arttyrý boıynsha jospardy aıtty, dep habarlaıdy QazAqparat tilshisi.

«2025 jylǵa qaraı balalar men jetkinshekterge arnalǵan jáne balalar-jasóspirimder dene daıarlyǵy klýbtary barlyq tirek aýyldarda sáıkesinshe 139 jáne 174-ke artyp, bir myńnan asady. Erekshe qajittilikteri bar eresekter men balalarǵa sportpen aınalysý úshin barsha sport keshenderinde tıisti jaǵdaı jasalady», - dedi A. Mamın Májiliste «Nur Otan» partııasynyń saılaý aldyndaǵy mindettemelerin iske asyrýǵa arnalǵan talqylaý kezinde.

Onyń aıtýynsha, 2023 jylǵa qaraı jattyqtyrýshy-oqytýshylardyń eńbekaqysy eki esege artady.

«Josparlanǵan is-sharalar nátıjesinde sportpen aınalysatyn azamattardy qamtý 30-dan 45 paıyzǵa deıin kóteriledi», - dedi Úkimet basshysy.