SpaceX júk kemesi HǴS-ǵa ushyryldy

<p>ASTANA. KAZINFORM &mdash; SpaceX-tiń Dragon júk kemesi ushyrylýy Florıdadaǵy Kennedı ǵarysh ortalyǵynan 31-shi qaıta jabdyqtaý mıssııasy (CRS-31) aıasynda júzege asyryldy, dep habarlaıdy <a href="https://www.nasa.gov/news-release/nasa-science-cargo-launch-on-31st-spacex-resupply-mission-to-station/" target="_blank" rel="noopener">NASA.&nbsp;</a></p>

Dragon Halyqaralyq ǵarysh stantsııasyna (HǴS) azyq -túlik, kerek-jaraq jáne jabdyqtardan basqa ǵylymı eksperımentter júrgizý úshin aspaptar men materıaldardy jetkizedi.

Orbıtalyq zerthanaǵa 6000 fýnttan astam (2700 keliden astam) kerek-jaraq tıegen Dragon ǵarysh kemesi áýege Florıda shtatyndaǵy Kennedı atyndaǵy 39A Ǵarysh ortalyǵy ushyrý kesheninen dúısenbi kúni shyǵys standart ýaqytymen (EST) saǵat 21:29-da (Astana ýaqytymen 07:29) kóterildi.

Jabdyqtaý mıssııasy HǴS-72 aıasynda júrgiziletin ondaǵan ǵylymı eksperımentterge qoldaý kórsetedi.

Dragon ǵarysh apparaty ǵarysh stantsııasynda jeltoqsan aıyna deıin qalady dep josparlanyp otyr.

SpaceX kompanııasy ushyrýdyń vıdeosyn X áleýmettik jelisinde jarııalady.

Apparattyń kelýiniń tikeleı kórsetilimi seısenbi, 5 qarasha kúni Astana ýaqytymen saǵat 18:45-te NASA+ basqarý saıtynda bastalady.