SpaceX Polaris Dawn mıssııasyn ushyrýdy keıinge qaldyrdy

<p>ASTANA. KAZINFORM &ndash; Kásibı emes astronavttyń tuńǵysh ǵaryshqa ushýyn qamtıtyn Polaris Dawn mıssııasy gelııdiń aǵyp ketýine baılanysty kem degende 24 saǵatqa keshiktirildi, dep habarlaıdy <a href="https://www.space.com/spacex-polaris-dawn-launch-delay-helium-leak" target="_blank" rel="noopener">Space.com.</a>&nbsp;</p>

Bastapqyda ushyrý seısenbi, 27 tamyz kúni tańerteń Florıdadaǵy (AQSh) NASA-nyń Kennedı ǵarysh ortalyǵynan josparlanǵan bolatyn.

SpaceX habarlaýynsha, komandalar gelııdiń aǵyp ketýin tolyǵyraq zerttep jatyr.

«Ekıpaj Jerdiń tómengi orbıtasynda kópkúndik mıssııaǵa daıyn. Kelesi ushyrý múmkindigi sársenbi, 28 tamyzdan erte emes», - dep habarlady SpaceX dúısenbi kúni keshke X áleýmettik jelisinde.

Polaris Dawn – mıllıarder kásipker Djared Aızekman uıymdastyrǵan Polaris baǵdarlamasy boıynsha josparlanǵan úsh mıssııanyń birinshisi.

Aızekman – Polaris Dawn mıssııasynyń komandıri. Ekıpaj quramynda AQSh áýe kúshteriniń podpolkovnıgi Skott Potıt, sonymen qatar SpaceX ınjenerleri Sara Gıllıs pen Anna Menon bar. Aızekman men Gıllıs mıssııanyń úshinshi kúni ǵaryshqa saıahat jasaıdy.

Eske sala ketsek, SpaceX negizin qalaýshy, bas dırektory jáne bas ınjeneri – amerıkalyq kásipker jáne mıllıarder Ilon Mask.

Buǵan deıin SpaceX ǵaryshtyq týrızmge ótinimderdi 2024 jyly qabyldaı bastaıdy dep habarlanǵan bolatyn.