SpaceX Grýzııada Starlink spýtnıktik ınternetin iske qosýdy josparlap otyr
Amerıkalyq kompanııanyń ókili Grýzııaǵa jergilikti naryqta ózderin qyzyqtyratyn taýashalardy (nısha) zertteý úshin keldi.
«Meniń oıymsha, bul – el men telekommýnıkatsııa salasy úshin óte mańyzdy oqıǵa. Starlink engizilgennen keıin Grýzııada spýtnıktik ınternet qoljetimdi bolady. Bul tsıfrlyq qyzmetterdiń ınnovatsııalyq naryǵyn aldaǵy ýaqytta damytý úshin múmkindikter terezesin ashady», - dedi Ulttyq kommýnıkatsııalar komıssııasynyń múshesi Ekaterına Imedadze SpaceX ókilimen kezdeskennen keıin.
Komıssııa Starlink-tiń iske qosylýy Grýzııanyń taýly aımaqtary men keń jolaqty Internetke qol jetimdiligi joq shalǵaı eldi mekender úshin «asa mańyzdy» ekenin atap ótti.
Buǵan deıin QR tsıfrlyq damý mınıstri Baǵdat Mýsın kelesi jyly Qazaqstanda Starlink (SpaceX) jáne OneWeb spýtnıktik ınterneti paıda bolýy múmkin ekenin aıtqan bolatyn. Onyń aıtýynsha, SpaceX jáne OneWeb sııaqty operatorlardyń spýtnıktik ınternetimen qamtamasyz etý úshin elde Salyq kodeksine ózgerister engizýi qajet, óıtkeni bul qyzmet túri boıynsha tarıf óte joǵary.
Starlink – ǵalamdyq spýtnıktik baılanys júıesi jobasy. Ony 2002 jyly Ilon Mask negizin qalaǵan amerıkalyq SpaceX kompanııasy ázirlegen. Starlink júıesi búkil álem boıynsha paıdalanýshylardyń Internetke qol jetimdiligin kóptegen shaǵyn qurylǵylardy jerge jaqyn orbıtaǵa ornalastyrý arqyly qamtamasyz etýge arnalǵan. 2019 jyldyń mamyr aıynan bastap SpaceX orbıtaǵa 2000-nan astam jer serigin shyǵardy.
Avtor: Serikbol Qoshmaǵanbetov