Sozylmaly aýrýy órshigen adamǵa koronavırýs vaktsınasy salynbaıdy – professor

NUR-SULTAN. QazAqparat – Sozylmaly aýrýy órshigen kezeńde adamǵa koronavırýs vaktsınasy salynbaıdy. Medıtsına ǵylymdarynyń doktory, professor Lázzat Eralıeva osylaı dep eskertti, dep habarlaıdy QazAqparat tilshisi.

«Qant dıabeti sekildi sozylmaly aýrýy bar adamdar koronavırýsqa qarsy vaktsınany birinshi bolyp alýy kerek. Bul vaktsınalaý alaıda adamnyń sozylmaly aýrýynyń órshýi kezinde salynbaýy tıis. Máselen, azamat belgili bir sozylmaly aýrýmen aýyratyn bolsa, sol aýrýy órshigen kezeńde vaktsına álbette keıinge qaldyrylady. Sozylmaly aýrýlardyń belgisi báseńdegennen keıin, ıaǵnı regressııa kezinde vaktsınany saldyrýǵa ábden bolady. Mundaı jaǵdaıda sozylmaly aýrýy bar adamǵa salynǵan vaktsına saý adamǵa salynǵanmen birdeı – eshqandaı zııany joq», - dedi Lázzat Eralıeva ortalyq kommýnıkatsııalar qyzmetiniń alańynda ótip jatqan baspasóz máslıhatynda.

Onyń aıtýynsha, álemde qazirgi ýaqytta VICh-ınfektsııasyn juqtyrǵan adamdarǵa da vaktsına salynyp jatyr. Vaktsına jaqsy nátıjesin kórsetip keledi.

Eske sala ketsek, buǵan deıin Lázzat Eralıeva vaktsına jaıly shyndyqty bilgisi kelgender sarapshylarǵa qulaq asýy kerektigin málim etken edi.