Sozaqta tiginshi bir kúnde 300 maska tigip, aýyl turǵyndaryna tegin taratty
Túrkistan oblysy Sozaq aýdany Sozaq aýyl okrýginde ismerlik tigin tigip, nápaqasyn taýyp otyrǵan Jámıla Qanapına bir kúnde 300 betperde tigip, aýyl turǵyndaryna tegin taratty.
«Qazir kóp jerde medıtsınalyq betperde tabý qıyn. Baǵasy da sharyqtap barady. El basyna osyndaı qıyn is túskende halyqpen birge bolyp, qolymnan keletin kásibimdi paıdaly iske jumsaýdy, kópshilikke járdemdesýdi maqsat ettim. Endi mata jetkizip berse, tegin tigip, halyqqa taratsam deımin», – dedi Jámıla Aıdarbekqyzy.
Aýdandyq tótenshe jaǵdaı jónindegi shtab tóraǵasynyń orynbasary Baǵdat Aıdarbekov osyndaı qıyn sátte qaıyrymdy is jasap otyrǵan Jámıla Aıdarbekqyzyna alǵys aıtty. Aýyl ákimi Batyrhan Aıapovqa aýyl turǵyndaryn, kásipkerlerdi uıymdastyryp, matamen qamtamasyz etýdi uıymdastyrýdy tapsyrdy.
«Bul bir ret qana paıdalanatyn betperde emes. Jýyp, qaıta birneshe ret paıdalanýǵa bolady», – dedi aýdandyq ortalyq aýrýhananyń bas dárigeri Talǵat Álisheruly.