Sozaq aýdany qashan tabıǵı gazben tolyq qamtylady
Óńirlik kommýnıkatsııalar qyzmetiniń málimetinshe, ótken jyly Túrkistan oblysynyń Sozaq aýdanyn tabıǵı gazben qamtamasyz etý maqsatynda 100 mln teńge qarjy qaralyp, Jańatas qalasy burylysynan Sholaqqorǵan eldimekenine deıingi magıstraldi gaz qubyry men AGTS qurylysy bastalǵan bolatyn. Atalǵan jobaǵa 2020 jyly 2,6 mlrd teńge qarjy bólinip, búginde qurylys jumystary jalǵasýda. Qazirgi tańda gazben jabdyqtaý jumystaryn «Stroygaz Company» JShS óndiristik kestege saı júrgizýde. Jobanyń jalpy quny – 4 mlrd 110 mln teńge. Gaz qubyrynyń uzyndyǵy – 43,809 shaqyrym.
Budan bólek, bıyl aýdan ortalyǵy Sholaqqorǵan aýylynyń ishki júıesin jabdyqtaý jumystary úshin jobalyq smetalyq qujattamalary jasalyp, oblystyq bıýdjetke qarjy qaraý týraly usynys joldanǵan.
«Sholaqqorǵan aýylynyń ishki júıesin gazǵa jabdyqtaý úshin 2020 jylǵa 100 mln. teńge qarjy qaraldy. Aldaǵy ýaqytta memlekettik satyp alý konkýrsy jarııalanyp, zańǵa sáıkes tıisti jumystar júrgiziledi. Bul jobanyń quny – 3 mlrd. 560 mln. teńgeni quraıdy. Gaz qubyrynyń uzyndyǵy – 216 shaqyrym. Jalpy búginde Sholaqqorǵan eldimekeninde 12 myńǵa jýyq halyq turady», – deıdi Sozaq aýdandyq turǵyn úı kommýnaldyq sharýashylyǵy jáne avtomobıl joldary bóliminiń sektor meńgerýshisi Erbol Amanov.