«Soıýz MS-23» ushqyshsyz ǵarysh kemesi Halyqaralyq ǵarysh stantsııasyna jetti

BAIQOŃYR. QazAqparat – Baıqońyr ǵarysh aılaǵynan ushyrylǵan «Soıýz MS-23» ǵarysh kemesi eki táýlikten keıin Halyqaralyq ǵarysh stantsııasyna (HǴS) ushyp keldi, dep habarlaıdy QazAqparat tilshisi.

HǴS reseılik segmentiniń «Іzdeý» modýlimen búgin tańerteń avtomatty rejımde túıisti.

«Soıýz MS-23» kemesi Halyqaralyq ǵarysh stantsııasyna ǵaryshkerlersiz bardy.

Orbıtada ǵarysh vahtasynda júrgen reseılik ǵaryshkerler Sergeı Prokopev, Dmıtrıı Petelın jáne Anna Kıkına «Soıýz MS-23»jańa kemesin qabyldaýǵa daıyndalýda.

HǴS-68 ekıpajynyń ushý baǵdarlamasyna sáıkes, 2022 jyldyń qyrkúıeginen bastap orbıtada jumys isteıtin Sergeı Prokopev, Dmıtrıı Petelın jáne amerıkalyq astronavt Frantsısko Rýbıo zaqymdalǵan «Soıýz MS-22»kemesiniń ornyna kelgen osy kememen jerge oralady.

2022 jyldyń qazan aıynda Grew Dragon kemesimen HǴS-qa ushqan ǵaryshker Anna Kıkına osy jyldyń naýryz aıynda Roskosmos pen NASA baǵdarlamasyna sáıkes amerıkalyq áriptesterimen birge oralady.