«Soıýz MS-09» kemesi Jerge oralýǵa daıyndalyp jatyr

BAIQOŃYR. QazAqparat - Erteń, 2018 jyldyń 20 jeltoqsanynda quramynda reseılik ǵaryshker Sergeı Prokopev, eýropalyq astronavt Aleksander Gerst pen amerıkalyq astronavt Serena Aýnon-Chensellor bar HǴS ekspedıtsııasy Jerge oralady, dep habarlaıdy QazAqparat tilshisi.

Eske salaıyq, bul ekıpaj halyqaralyq ǵarysh stansasynda 2018 jyldyń 6 maýsymynan beri jumys istep jatyr jáne 3 jeltoqsanda ekspedıtsııany aıaqtaýy tıis edi. Biraq, «Soıýz MS-10» ǵarysh kemesin ushyrý kezindegi apat saldarynan onyń qaıtý merzimi keıinge shegerilgen bolatyn.

RF Ortalyq áskerı okrýgy baspasóz qyzmetiniń aqparaty boıynsha, «Soıýz MS-09» kemesin qondyrýdy qamtamasyz etý úshin jáne ǵaryshkerlerdi qarsy alý úshin OÁO Іzdeý-qutqarý toby ushyp ketti.

«Soıýz MS-09» kemesin qondyrýdy qamtamasyz etýge MI-8 on tikushaǵy, An-12 eki ushaǵy jáne An-26 bir ushaǵy, 22 avtomobıldik jáne arnaıy tehnıka, jeke quramnyń 200 adamy tartyldy», - delingen habarlamada. 

Avtor: Sara Qabıqyzy