«Soıýz MS-03» ǵarysh kemesi Baıqońyrdan sátti ushyryldy

BAIQOŃYR. QazAqparat - Baıqońyr aılaǵyndaǵy Gagarın ushý tuǵyrynan «Soıýz MS-03» tasymal ǵarysh kemesin ushyrý belgilengen ýaqytta, 18 qarashada 02 saǵat 20 mınýt 13 sekýndta júzege asyryldy, dep habarlaıdy QazAqparat tilshisi.

Halyqaralyq ǵarysh stansasyna uzaqmerzimdik 50/51 ekspedıtsııa ekıpajynyń quramynda reseı ǵaryshkeri Olega Novıtskıı, №1 bortınjener, Eýropa ǵarysh agenttiginiń ǵaryshkeri Tom Peske jáne №2 bortınjener, amerıkalyq astronavt Peggı Ýıtson bar.

Ushý kezeńine sáıkes zymyrannyń úshinshi satysy tasymaldaýshy ǵarysh kemesinen starttan keıin 529 sekýnd ótken soń bólindi. «Soıýz MS-03» jasandy jer seriginiń orbıtasyna shyqty.

Ǵarysh aılaǵyn qamtamasyz etý jáne Tótenshe jaǵdaılar jónindegi Qazaqstan komıtetteriniń aqparaty boıynsha «Soıýz - FG» zymyran tasyǵyshynyń bólinetin satylary belgilengen Qaraǵandy, Shyǵys Qazaqstan jáne Reseıdik Altaı ólkesiniń aýtsdandaryna qulaǵan.

Kemeniń HǴS-men túıisýi eki táýlikten keıin 20 qarashada, ǵarysh kemesiniń orbıtada 34 ret aınalǵannan keıin júzege asyrylady.

HǴS - 50/51 ekıpajy orbıtadaǵy jarty jylǵa jýyq kezekshiliginde  «Progress MS» júk kemesin, amerıkalyq Dragon júk kemesin, japondyq NTV kemesin qabyldap alyp, 44 ǵylymı zertteý men tádirıbe júrgizedi.