«Soıýz MS-02» kemesiniń ekıpajy ushyrý keıinge shegerilgen soń Baıqońyrda qaldy
11:28, 18 Qyrkúıek 2016
ASTANA. QazAqparat - «Soıýz MS-02» ǵarysh kemesiniń ekıpajy Reseıdiń memlekettik komıssııanyń ushyrylatyn jańa merzimdi bekitý týraly sheshimi qabyldanǵanǵa deıin Baıqońyr ǵarysh aılaǵynda qalady. Bul týraly TASS zymyran-ǵarysh salasyndaǵy aqparat kózine silteme jasap habarlady.
Aqparat kózi habarlaǵandaı, ázirge «Soıýz-FG» zymyran tasyǵyshyn «Soıýz MS-02» kemesimen ushyrtý ázirge rezervtik merzimge - 24 qyrkúıekke shegerildi. Ekıpaj osy kúni ushyrylady dep daıyndalyp jatyr.
Kemeni ushyrý merziminiń shegerilýiniń bastapqy sebebi zymyran-tasyǵyshtyń bas oraı aǵyzǵyshy túbindegi qysqa tuıyqtalýmen baılanysty boldy. Olqylyqty ushý aldyndaǵy synaqta baıqaǵan.