«Soıýz MS-02» basqarylatyn kemesi 19 qazanda ushyrylatyn boldy

ASTANA. QazAqparat - Memlekettik komıssııa "Soıýz MS-02" basqarylatyn kemesi bar "Soıýz-FG" zymyran-tasyǵyshynyń ushyrylý kúnin 19 qazanǵa bekitti, dep habarlady QazAqparat TASS agenttigine silteme jasap.

Atalmysh agenttiktiń "Roskosmos" memlekettik korporatsııasynyń baspasóz qyzmeti taratqan aqparatqa súıenip habarlaýynsha, «Soıýz MS-02" Halyqaralyq ǵarysh stansysyna (HǴS) quramynda reseılik Andreı Borısenko, Sergeı Ryjıkov jáne amerıkalyq Robert Sheın Kımbroý bar ekıpajben 23 qyrkúıek kúni ushyrylýy tıis edi. Alaıda, aqaýlarǵa baılanysty ushyrylym keıinge qaldyryldy.

Sonymen birge, "Roskosmos" 16 qarashada "Soıýz MS-03" kemesinde taǵy bir basqarylatyn ekspedıtsııa HǴS-qa ushyrylatynyn habarlady. Ushyrylymy qazan aıynyń ortasyna josparlanǵan "Progress MS-04" júk kemesi 1 jeltoqsanǵa qaldyryldy.