Soıa men júgerini Qytaıǵa eksporttaýymyz kerek – Danıal Ahmetov

ÓSKEMEN. QazAqparat – Shyǵys Qazaqstan oblysynyń ákimi Danıal Ahmetov soıa men júgerini Qytaıǵa eksporttaý kerektigin aıtty, dep habarlaıdy QazAqparat.

«Óńirimizde agroónerkásiptik keshendi damytýdyń basty baǵyty – ósimdik sharýashylyǵy ónimderin eksportqa shyǵarý. Bul birinshi kezekte soıa men júgerige qatysty. 2024 jylǵa qaraı onyń egis alqaby 4,2 ese ósip, eksport kólemi 1,5 myńnan 15 myń tonnaǵa deıin, ıaǵnı 10 ese artady», - dedi aımaq basshysy turǵyndar aldyndaǵy esep berý kezdesýinde.

Onyń aıtýynsha, Shyǵys Qazaqstan sút, bal, maraldyń múıizi, kúnbaǵys maıy óndirisi boıynsha respýblıkada - birinshi, et óndirýde - ekinshi orynda tur.

«Sońǵy 5 jylda sútti mal sharýashylyǵyn damytý baǵdarlamasy aıasynda quıylǵan ınvestıtsııa turǵyndardan sút satyp alý kórsetkishin 17 ese arttyrýǵa múmkindik berdi. Nátıjesinde óńdeýshi kásiporyndardyń qýaty 29-dan 75 paıyzǵa deıin ósti», - dedi Danıal Kenjetaıuly.