Sovet mýltfılmderin qazaqshalaýǵa qansha qarajat kerek – vıtse-mınıstr jaýaby

<p>ASTANA. KAZINFORM &ndash;&nbsp; Mádenıet jáne aqparat vıtse-mınıstri Qanat Ysqaqov Senat otyrysynan keıingi brıfıngide sovet mýltfılmderin qazaqshalap ekranǵa qaıta shyǵarý bastamasy týraly pikir bildirdi.</p>

«Bul jerde eshqandaı bastama, uıym degen joq. Depýtat jeke suraq qoıdy. Keıbir sovet dáýirinde shyqqan mýltfılmder adamı, etıkalyq jaǵynan eshqandaı qarama-qaıshy kelmeıdi. Sondyqtan olardy aýdarýǵa múmkindik bar. Qajet bolsa aýdaramyz. Oǵan jalpy asa bir qarajat ketpeıdi. Óıtkeni onsyz da sheteldik kontentti aýdaryp jatyrmyz ǵoı. Sonyń aıasynda anımatsııa kontentin aýdaramyz. Oǵan bir naqty aqsha suramaımyz, qyrýar aqsha talap etpeıdi. Ózimizdiń bekitilgen bıýdjet aıasynda júzege asyramyz. Sovet mýltfılmderiniń bárin dep otyrǵan joqpyn. Іrikteımiz, ony bárimiz talqylaımyz. Múmkin qoǵamdyq keńes shyǵaryp, iriktep, shyn máninde sovet dáýirindegi kontent bizdiń salt-dástúrimizge, bolmysymyzǵa saı keletin bolsa, nege aýdarmasqa. Biraq ony saraptaý kerek. Bas salyp bárin aýdarý degen sóz emes, irikteý kerek. Oǵan barshamyz atsalysaıyq degen», - dedi vıtse-mınıstr.

Sondaı-aq, ol qazirgi qazaq mýltıplıkatorlarynyń jumysyna baǵa berdi.

«Bul meniń bastamam emes, depýtattyń bastamasy, depýtattyń suraǵy. Qazaq anımatsııalary 80-90 paıyz bizdiń rýhanı suranystarymyzdy qanaǵattandyrady mysaly «Toqty men serkeniń nesi kem?», - dedi Qanat Ysqaqov.