Sottar qylmyskerlerdi negizsiz aqtaýda - A.Daýylbaev
Búgin Aqordada Elbasy Nursultan Nazarbaevtyń QR-daǵy qylmys pen sybaılas jemqorlyqqa qarsy turý, esirtki zattarynyń zańsyz aınalymynyń jaǵdaıy, azamattardyń quqyqtary men bostandyqtary taqyrybyna qatysty quqyq qorǵaý organdary basshylarymen ótkizip jatqan keńesinde QR Bas prokýrory Ashat Daýylbaev osylaı dedi.
«Sottar qylmyskerlerdi negizsiz aqtaýda. Úsh jyldyń ishinde prokýrorlardyń narazylyǵymen 71 tulǵaǵa qatysty zańsyz aqtaý úkimi buzyldy», - dedi ol.
Máselen, Bas prokýrordyń aıtýynsha, 2011 jyly Astana qalasynyń soty kisi óltirdi degen aıyppen sottalýshy Botabaevty aqtap, prokýrorlardyń barlyq narazylyqtaryn qaperge almaǵan.
«Jyl tolmaı jatyp Botabaev Іle Alataý ulttyq parkinde adamdardy jappaı óltirgen ekstremıstik pıǵyldaǵy qylmystyq toptyń quramynda boldy. Bul úshin sottardyń birde bireýi eshqandaı jaýapkershilikke tartylǵan joq», - dedi A.Daýylbaev.