Sottan tys bankrottyq rásimi tegin júrgiziledi - Memlekettik kirister komıteti

ASTANA. QazAqparat - 3 naýryzda azamattardan bankrottyq týraly ótinishterdi qabyldaý bastaldy. ıAǵnı, azamattardyń tólem qabilettiligin qalpyna keltirý jáne bankrottyǵy týraly zań kúshine endi, dep habarlaıdy QazAqparat Memlekettik kirister komıtetine silteme jasap.

2023 jyldyń 9 naýryzynda saǵat 9:00-degi jaǵdaı boıynsha sottan tys bankrottyqqa 11 177 ótinish túsken (eGov arqyly - 10 462, e-Salyq Azamat arqyly - 715).

Zań boryshkerdiń tólem qabilettiligin ártúrli quraldar arqyly qalpyna keltirýge múmkindigin qarastyrady: sottan tys bankrottyq, tólem qabilettiligin qalpyna keltirý jáne sot bankrottyǵy.

«Azamattar Halyqqa qyzmet kórsetý ortalyqtaryna (HQKO) kelmeı-aq, elektrondy úkimet portaly (eGov.kz.), sondaı-aq «e-Salyq Azamat» nemese «eGov Mobile» mobıldi qosymshasy arqyly ótinish bere alady. Alaıda, keıbir HQKO-nyń mańynda bankrottyqqa qujattardy rásimdeý úshin aqyly, deldaldyq qyzmet kórsetýdi usynatyndar jıilep ketti. Memlekettik kirister komıteti sottan tys bankrottyq rásimi (qaryzy 5,5 mln teńgeden aspaıtyn) tegin júrgiziletinin habarlaıdy», - delingen vedomstvo aqparatynda.

Bankrottyq rásimin qoldaný tártibi týraly aqysyz tolyq aqparat alý úshin HQKO-nyń operatorlaryna nemese memlekettik kirister organdary qyzmetkerlerine barý qajet.

Sonymen qatar, 1414 nómirine telefon shalyp, nemese Telegram chat-botyna jazý arqyly suraqtaryńyzdy qoıýǵa bolady.

Bankrottyq rásiminen ótý tártibi týraly aqparat QR Qarjy mınıstrliginiń jáne Memlekettik kirister komıtetiniń saıttarynda jarııalanǵan.