Sottalǵandardyń týystary sálemdemelerdi onlaın rejıminde jibere alady
Týystar eldegi 46 penıtentsıarlyq mekemege sálemdeme jibere alady, olardyń beseýi sottalǵandar men tergeý-qamaýyna alynǵan adamdarǵa arnalǵan elektrondyq termınaldarmen jabdyqtalǵan. Bul «Convex» JShS men QR ІІM Qylmystyq-atqarý júıesi komıtetiniń birlesken baǵdarlamasyn iske asyrý aıasynda 2019 jyly iske qosyldy. Jobany qurý kezinde qoldanystaǵy zańnama, sonyń ishinde QAJ mekemelerinde ruqsat etilgen zattar men azyq-túlik tizbesi negizge alyndy.
Osylaısha, azamattar ónimdi onyń jaramdylyǵynan qoryqpaı tańdaı alady. Azyq-túlik ónimderi men birinshi kezektegi qajetti zattardy jınaýǵa dúken tikeleı jaýap beredi, bul tyıym salynǵan zattardy alyp kirýge jáne sybaılas jemqorlyq quqyq buzýshylyqtarǵa jol bermeıdi. Jańa tehnologııalardy rejımdik obektilerde ustalatyndar da ıgeredi.
Búgingi tańda arnaıy kontıngenttiń ishinen 4 myńnan astam sottalǵan jáne tergeý-qamaýyna alynǵandar elektrondyq formatta satyp alýǵa kóshti. Olar azyq-túlik pen birinshi kezektegi qajetti zattarǵa penıtentsıarlyq mekemelerdiń aýmaǵynda ornalasqan elektrondyq termınaldar arqyly tapsyrys beredi.