Sottalǵandardyń medıtsınalyq kútimi nelikten Densaýlyq saqtaý mınıstrligine beriledi

NUR-SULTAN. QazAqparat – Іshki ister mınıstri Erlan Turǵymbaev sottalǵandardy medıtsınalyq qyzmetpen qamtamasyz etý fýnktsııasy nege Densaýlyq saqtaý mınıstrligine beriletinin túsindirdi, dep habarlaıdy QazAqparat tilshisi.

Bul jóninde vedomstvonyń aqparat alańynda Іshki ister mınıstrliginiń baspasóz ókili Shuǵyla Turlybek aıtty.

«Erlan Turǵymbaev sottalǵandardy medıtsınalyq qamtamasyz etý fýnktsııasyn Densaýlyq saqtaý mınıstrliginiń qaramaǵyna berý týraly habarlady», - dedi mınıstrlik ókili.

Mınıstrdiń ózi muny sottalǵandardy ustaý oryndaryndaǵy zańsyzdyqtardy búrkemeleýge jol bermeıtin qadam dep baǵalap otyr.

«Bul tekserý dıagnostıka jáne emdeýdiń zamanaýı ádisterine neǵurlym qol jetkizýge múmkindik beredi jáne medıtsına qyzmetkererine mekemelerdiń ákimshiliginen táýelsiz qyzmet etetin bolady. Bul óz kezeginde zańsyz áreketterdiń yqtımal faktilerin jasyrýdy joıady», - dedi mınıstr.

Baspasóz ókiliniń aıtýynsha, Іshki ister mınıstrligi sottalǵandardy turǵylyqty jeri boıynsha kolonııaǵa aýystyrý rásimin zań aıasynda jeńildetken.

«Dári-dármekke qatysty shekteýler joıyldy. Naýqastaný boıynsha bosatý týraly ótinishterdi qaraý merzimi qysqartyldy. Ótinishterdi elektrondy túrde jiberý quqyǵy berildi. Ustaý jaǵdaılaryn jaqsartý bóliginde bıyl aqpan aıynda sottalǵandardyń tamaqtaný normalary - 40 paıyzǵa, sálemdeme men saýqattardyń ruqsat etilgen salmaǵy úshten birge artty. Ózimen birge alyp júretin sálemdemelerdiń jáne satyp alýǵa ruqsat etetin zattardyń tizbesi keńeıtildi. Ótken jyldan bastap kolonııalarda elektrondyq dúkender engizile bastady. Sondaı-aq, kezdesýler sany artty», - dedi Shuǵyla Turlybek.

Vedomstvo ókiliniń aıtýynsha, jumysqa ornalastyrylǵan sottalǵandardyń sany byltyrdan beri 38 paıyzdan 49 paıyzǵa deıin artqan.