Sottalǵandar zańsyz áreketter týraly shaǵymdardy elektrondy túrde túsirdi – Bas prokýratýra

ASTANA. QazAqparat - Bas prokýratýranyń bastamasymen penıtentsıarlyq júıeniń barlyq mekemelerinde elektrondyq ótinishter termınaldary ornatylyp jatyr, dep habarlaıdy QazAqparat QR Bas prokýratýrasynyń baspasóz qyzmetine silteme jasap.

Osy jańashyldyqty iske asyrý sheńberinde Quqyqtyq statıstıka jáne arnaıy esepke alý jónindegi komıteti sottalǵandarǵa mekeme ákimshiliginiń baqylaýynsyz óz quqyqtaryn qorǵaý úshin ýákiletti organdarǵa júginýge múmkindik beretin fýnktsıonal ázirledi. Qazirgi ýaqytta beıne habarlama fýnktsııasy engizilýde.

Jalpy, elektrondyq formatta sottalǵandar 8 myńnan astam ótinish bergen (2020-2023jj.).

Termınaldardy ornatý jazasyn óteýshilerge mekeme ákimshiliginsiz shaǵymdar men ótinishter jiberýge, onyń qyzmetkerleriniń zańsyz áreketterine shaǵymdanýǵa múmkindik beredi.

Mysaly sottalǵan «N» osy termınal arqyly Bas prokýratýraǵa mekeme qyzmetkerleriniń zańsyz áreketteri, negizsiz tártiptik jaza qoldaný jáne QK 428-baby boıynsha qylmystyq jaýapqa tartý týraly tikeleı habarlaı aldy.

Qazirgi ýaqytta termınaldar sanyn jáne olardy qoldaný aıasyn ulǵaıtý boıynsha jumystar júrgizilýde.

Bul protsesti tsıfrlandyrý jabyq mekemelerdegi azamattardyń quqyqtaryn zańsyz áreketterden qorǵaý deńgeıin arttyrýǵa múmkindik beredi.