Sottalǵandar túrmedegi 300-ge jýyq kamerany isten shyǵardy - mınıstrlik
Qazirgi ýaqytta kolonııalarda 22 myńnan astam beınekamera ornatylǵan. Vıdeobaqylaýdan tys qalǵan óńirler joq.
«Beınebaqylaý jeke basyn nemese avtokóligin anyqtap qana qoımaı, aýmaqty vızýaldy tekserý arqyly quqyqbuzýshylyqty anyqtaýǵa múmkindik beretin jasandy ıntellekt júıesine ıe. QAJ komıtetinde sıtýatsııalyq ortalyq quryldy, oǵan elimizdegi barlyq penıtentsıarlyq mekemelerinen beınejazbalar taratylady. Bul kolonııalardyń tirshiligin baqylaýǵa jáne buzýshylyqtarǵa tek aımaqtyq deńgeıde ǵana emes, komıtet deńgeıinde de jaýap berýge múmkindik beredi», - dedi QR ІІM baspasóz qyzmetiniń ókili Shuǵyla Turlybek mınıstrliktiń brıfınginde.
Qadaǵalaýshy prokýrorlar úshin beınejazbalardy qashyqtan qaraý múmkindigi bar. Nátıjesinde bıylǵy birinshi toqsanda beınebaqylaý operatorlary ustaý rejıminiń 3 402 buzýshylyǵyn anyqtaǵan.
Al ótken jyly 2 779 buzýshylyq boldy. Tyıym salynǵan zattar 4 kanal arqyly kirgiziletini anyqtaldy, 13 sýıtsıd pen 3 qashý faktileriniń joly kesildi.
Sondaı-aq, bir jylda QAJ mekemelerinde qyzmetkerlerdiń zańsyz áreketterine qatysty shaǵymdar sany 4 esege azaıǵan.
«Mekemelerde úzdiksiz beınebaqylaýdy engizý kontıngenttiń quqyqtyq jaǵdaıyn jaqsartýǵa jáne quqyqqa qaıshy áreketterdiń aldyn alýǵa baǵyttalǵan. Biraq, soǵan qaramastan, sottalǵandar 293 kamerany isten shyǵarǵan. Ustaý rejımin buzýshylarǵa qatysty 45 tártiptik jaza qoldanyldy, 49 sotqa deıingi tergeý bastaldy», - dedi Sh. Turlybek.