Sottalǵan jandar «kóleńkege» ketýge májbúr –Muhtar Taıjan

NUR-SULTAN. QazAqparat – Qoǵam qaıratkeri Muhtar Taıjan jazasyn ótegen qazaqstandyqtardyń quqyǵy shektelip otyrǵanyn málim etti, dep habarlaıdy QazAqparat tilshisi.

Búgin ótken «Ashyqtyq. Aıqyndyq. Sybaılas jemqorlyqqa qarsy áreket» atty dóńgelek ústelde qoǵam qaıratkeri Muhtar Taıjan jazasyn ótegen jandardyń azamattyq quqyǵy taptalyp jatqanyn aıtty.

« Jazasyn ótep shyqqan adamdar 5-7 jyl jeke sáıkestendirý nómirinsiz ómir súrýge májbúr. Osynyń saldarynan ne senimhat jaza almaıdy, kóligin nemese ózin saqtandyra almaıdy. Qoldanystaǵy zańnama olardy osylaısha zańdastyrylmaǵan ortaǵa yǵystyryp tastaǵan. Olar «kóleńkege» ketýge májbúr. Jeke sáıkestendirý nómiri bolmaǵan soń olar zańdy jolmen jumysqa da ornalasa almaıdy. Tipti taksıshi bolyp ta jumys isteýge quqyǵy joq. Bul qazirgi zańnamaǵa kelip tireledi. Zańnamada osy olqylyq eskerilip, túzetilýi kerek», - dedi Muhtar Taıjan.