Sotta Qaırat Boranbaevqa qatysty is qaraldy
Saryarqa aýdandyq №2 sotynyń sýdıasy Nazgúl Bapaqova qaraǵan is barysynda aıyptaýshy tarap - «Qazaq Gaz» AQ ókilinen jáne aıyptalýshylar - «AzııaGazChýndja» JShS quryltaıshylary Qaırat Boranbaev pen Roman Nahanovtan jaýap alyndy. Kúdiktilerge suıytylǵan munaı gazyn satyp alý kezinde 14,5 mlrd teńge urlaý jáne qylmystyq kiristerdi zańdastyrý faktileri boıynsha aıyptar taǵylýda.
Esterińizge sala keteıik, Qarjylyq monıtorıng agenttigi Qaırat Boranbaevtyń ústinen kvazımemlekettik sektorda asa iri kólemde qarajat jymqyrý faktisimen is qozǵap, ızolıatorǵa qamaǵan bolatyn.
30 jeltoqsanda Qaırat Boranbaevqa qatysty sot otyrysy bastalyp, onda «AzııaGazChýndja» JShS qylmystyq epızody qaralǵan edi.
Sol kúni kúdiktiniń advokaty qorǵaýshysyn úıqamaqta ustaýdy usynyp, sot usynystan bas tartqan-dy.