Sotqa shaqyrtýdyń elektrondyq nusqasynyń tıimdiligi bar
Solardyń mańyzdy bir parasy retinde sot organdaryna engizilgen elektrondy aqparattandyrý tehnologııasyn erekshe atap aıtýǵa bolady. Búginde sot júıesinde kún saıyn aıasy keńeıtilip kele jatqan onlaın-rejıminiń sot tóreligin júzege asyrýdaǵy múmkindikteri arttyrylýda. Máselen, azamattar úshin ózderine qatysty kez kelgen sot úrdisi jaıly aqparat alý, onyń barysyn qadaǵalaý osy ǵalamtor jelisi arqasynda jeńildeı tústi.
Bıyl Joǵarǵy Sot óz saıtynda osy ǵalamtor jelisi arqyly taǵy bir qyzmet túrin iske qosty. Ol sot isterine qatysty azamattardy elektrondy shaqyrtý. Jalpy, búgingi tańda bul shara burynǵydan áldeqaıda jeńildetilip otyr. Qazaqstan Respýblıkasy Azamattyq is júrgizý kodeksiniń 129-babyna sáıkes, jeke tulǵalar, olardyń ókilderi, sonymen qatar, kýágerler, sarapshylar, mamandar jáne aýdarmashylar sottarda ózderine qatysty qaralyp jatqan kez kelgen is boıynsha sot otyrysynyń nemese jekelegen protsessýaldyq is-áreketterdi júzege asyrý úshin sot shaqyrtýy arqyly protseske kele alady. Qazir ol shara qatysýshy azamattardyń uıaly telefonynyń abonenttik nomeri boıynsha júzege asyrylyp otyr. ıAǵnı, osy abonenttik nomer arqyly azamattar aldyn ala habardar etilip, qysqa mátindi habarlamamen shaqyrtylady. Bul qyzmet respýblıka sottary jáne azamattar men zańdy tulǵalar úshin óte qolaıly bolyp tur.
Alaıda, sotqa shaqyrtylǵandyǵy týraly qysqa mátindi bul habarlamalardy qajettilik týǵan jaǵdaıda jumys berýshige kórsetý úshin qaǵazǵa shyǵaryp alý múmkin emes. Joǵaryda aıtylǵan Qazaqstan Respýblıkasy Joǵarǵy Sotynyń www.sud.gov.kz saıtynda «Sot shaqyrýy» degen atpen iske qosylǵan qyzmet bul olqylyqty joımaq. ıAǵnı, osy qyzmet arqyly azamattar qysqa mátindi aqparatty kórip, qajet jaǵdaıda qaǵazǵa shyǵaryp ala alady. Bul úshin oǵan habarlama kelgen uıaly telefonnyń nomeri jáne ondaǵy kod engiziledi. Sol kezde atalmysh qyzmetti paıdalanýshynyń kompıýterinde PDF formatyndaǵy elektrondy sot shaqyrtýy júkteledi.
Elektrondy sot shaqyrtýynda habarlamanyń mátini, azamattyń aty-jóni, nemese habarlanyp otyrǵan uıymnyń ataýy, uıaly baılanys abonentiniń nomeri, jiberilgen uıymnyń ataýy, sot otyrysynyń ótetin jeri men ýaqyty kórsetiledi. Sonymen qatar, onda sot organdary Call-ortalyǵynyń qysqa jáne biregeı nomerleri, alynǵan ýaqyty, sot organdarynyń Biryńǵaı avtomattandyrylǵan aqparattyq taldaý júıesinen alynǵan jáne Joǵarǵy Sottyń elektrondy qolymen dáıektelgen málimetterden turatyn shtrıh-kod bolady.
Osylaısha bul elektrondy sot shaqyrtýy Qazaqstan Respýblıkasynyń 2003 jyldyń 7 qańtarynda qabyldanǵan №370 «Elektrondy qujattar jáne elektrondy tsıfrlyq qol qoıý» zańyna sáıkes resmı qujat bolyp sanalyp jáne qaǵaz túrindegi qujatqa teńestiriledi. Endi tek osy múmkindikti elimizdiń barlyq óńirindegi halyq tıimdi paıdalana alsa ıgi.